Për çfarë kanë kërkuar më shumë shqiptarët gjatë vitit 2020?
Për çfarë kanë kërkuar më shumë shqiptarët gjatë vitit 2020?
Viti 2020 ishte një vit shumë i vështirë për të gjithë ne dhe ndryshe nga të tjerët. Por përsëri kjo gjë nuk i ka penguar shqiptarët që të kërkojnë gjërat e tyre të preferuara ose të mësojnë më shumë rreth gjerave të reja.
Prandaj GameON Albania si çdo vit ka vendosur t’iu sjellë statistika rreth çfarë kanë kërkuar më së shumti shqiptarët gjatë vitit 2020 sipas Google Trends.
Sigurisht siç mund ta dini ndoshta të gjithë, një ndër termat kryesor më të kërkuar të këtij viti është tema “COVID” dhe variacionet e saj. Siç mund ta shohim, që prej periudhës së karantinës dhe deri më tani, shumë shqiptar kanë kërkuar rreth kësaj teme duke mbajtur vendin e parë si më e kërkuara edhe ajo pse ka pësuar ulje gjatë kohëve të fundit. Kjo temë ka kaluar edhe temat si game dhe television por gjithsesi argëtimi ka marrë vëmendje shumë të madhe gjatë ketij viti. Ajo që është akoma më interesante është se ketë vit argëtimi nëpërmjet video lojërave po konkuron me atë të argëtimit tradiocional nëpërmjet televizorit.
Pavarësisht problemeve të mëdha që COVID ka shkaktuar, industria e gaming nuk është paralizuar nga kjo gjë. Kompanitë zhvilluese kanë punuar intesivisht me stafin e tyre nga shtëpia për të sjellë disa lojëra mjaft të veçanta dhe disa prej tyre dhe disa prej tyre shumë kontraversiale. Bëhet fjalë për lojëra si Cyberpunk 2077 që u bë e famshme për problematikat e saj dhe Last of Us Part II e cila u turpërua për shkak të problemeve të ndryshme që hasi.
Kështu që për sa i përket se cila është loja më e kërkuar e vitit, ajo është Cyberpunk 2077 e cila vërtet gjatë ka patur një kërkim tepër të çrregullt por mesa duket muaji dhjetor ka bërë që shqiptarët ta kërkojnë shumë. Loja e dytë më e kërkuar është Doom Eternal dhe Animal Crossing kurse në vend të tretë ndodhet Ghost of Tsushima dhe The Last of Us Part II.
Kur vjen punate konsola e preferuar, është e ditur që zgjedhja kryesore e shqiptarëve është PlayStation. Por kohët e fundit një konsole tjetër ka filluar të përdoret nga shqiptarët dhe ajo është Nintendo Switch e cila pavarësisht se ka afërsisht 4 vite që ka dalë, konkurron me konsolat next gen. Konsola më pak popullore ngelet përsëri Xbox. Për sa i përket kartave grafike të Nvidia, mesa duket shqiptarët nuk preferojnë të kërkojnë shumë për to në krahasim me konsolat, pavarësisht interesit të lartë rreth gjeneratës së re të serisë RTX dhe përdorimin e tyre në mining.
Një prej gjërave të cilat nuk na çuditi fare ishte fjala falas dhe në fund të ditës duke iu dhënë të drejtë, kush nuk do të dëshironte gjëra falas. Për herë të parë platforma Epic Games ia kalon Steam dhe kjo me shumë mundësi ndodh për shkak të lojërave falas që Epic ka dhënë çdo javë gjatë gjithë vitit.
Le të krahasojmë pak disa nga lojërat më të njohura në treg. Duke marrë parasysh edhe statistikat e vitit 2019, ajo që duhet përmendur është fakti se Fortnite ka pësuar rënie në krahasim me Free Fire, ndryshe nga viti i kaluar ku ata ishin kokë më kokë. Tashmë Free Fire është shumë herë përpara në krahasim me Fortnite dhe ky rezultat përsëritet edhe me lojërat si Roblox dhe Minecraft gjithashtu. Më interesantja është se Free Fire ka arritur majat gjatë muajve nëntor dhe dhjetor duke e pozicionuar atë në 15 temat më të kërkuara në rritje në Shqipëri. Gjithsesi është e qartë se interesi ndaj Minecraft nuk ka pësuar asnjë rënie.
Pavarësisht se kishim parashikuar shumë nga këto deri diku, ky ishte seksioni i cili na çudi më shumë nga të gjitha. Loja Coin Master kishte një numër tepër të lartë kërkimesh duke ia kaluar edhe Free Fire për një kohë të gjatë dhe të vazhdueshme. Për ne ishte një surprizë pasi nuk ishim interesuar mbi ketë lojë më përpara. Interesi për Coin Master është shtuar goxha gjatë fillimit të karantinës por mesa duket është ulur pak së fundmi. Kjo tregon se populli shqiptar ka tendencë të tërhiqet nga lojërat e fatit dhe lojërat që përdorin mekanizma të ngjashme.
Karantina gjithashtu gjatë këtij viti ka bërë që shqiptarët të ndjekin shumë seriale të ndryshme dhe gjithashtu edhe anime. Platforma më e përdorur për të ndjekur serialet e preferuara është Netflix i cili ka patur një rritje të madhe gjatë kësaj periudhe. Edhe anime pësoi një arritje të madhe gjatë vitit 2020 dhe tashmë shqiptarët nuk shohin vetëm Dragon Ball dhe Naruto.
Por mesa duket shqiptarët nuk preferojnë që të kërkojnë shumë mbi serialet e tyre të preferuara. Çuditërisht e kundërta ka ndodhur me anime për të cilën ka patur shumë seriale anime të kërkuara ku disa prej tyre janë Naruto, One Piece, Dragon Ball dhe sigurisht Attack on Titan.
Nga të gjitha të dhënat e mësipërme kuptuam se viti 2020 ka sjellë goxha ndryshime ku ndër më të rëndësishmet mund të përmendim rritjen e madhe që Free Fire ka pësuar dhe rënien që Fortnite ka pësuar. Edhe orientimi që shqiptarët kanë patur gjatë kësaj kohe drejt konsoles së Nintendo Switch është diçka e cila na ka çuditur gjithashtu.
Si përfundim, ekzistenca e informacionit mediatik rreth këtyre lojërave dhe tematikave sigurisht që ka ndikimin e vet dhe jemi shumë krenar si GameON që kemi patur një ndikim mjaft të madh në ketë rritje. GameON gjithashtu ka trefishuar numrin e shikuesve që kanë vizituar faqen gjatë vitit 2020, kështu që është e qartë se interesi rreth gaming, esport dhe më gjerë është thjesht në fillimet e lulëzimit të saj. Shpresojmë se viti 2021 të ketë po aq ndikim duke përjashtuar faktorin pandemi.