“Kam patur shumë stres dhe ankth së fundmi,”
“Kam patur shumë stres dhe ankth së fundmi,”
Thuajse tre javë pasi u bë ban përgjithmonë nga Twitch, Dr Disrespect ka folur për herë të parë publikisht. Ai diskutoi mbylljen e kontratës së tij me kompaninë në një intervistë me Washington Post, duke shpjeguar se nuk ju dha asnjë arsye ose shpjegim.
“Ishte një shok total,” tha Doc. “Imagjino të shkosh në punë dhe të gjitha dyert të jenë mbyllur dhe të mos futesh dot brenda. Pyet veten se çfarë po ndodh dhe thjesht të thonë që je pushuar. Por nuk të kanë thënë arsyen pse. Ne nuk na u dha asnjë lloj përgjigjeje.”
Streamer-i tha se e kuptoi që diçka nuk po shkonte teksa po shikonte streamin e një mikut të tij në Twitch. Veçori që janë zakonisht të disponueshme për krijuesit po mungonin në adresën e tij. Dr Disrespect më pas i dërgoi një email Twitch dhe kompania e informoi për vendimin që kishte marrë, por pa i dhënë një arsye pse.
Kur u pyet për hapat e tij të rradhës në Twitch, Doc ndoqi këshillën e avokatit të tij dhe nuk u përgjigj, por pasojat që kjo situatë ka lënë në shëndetin mendor të streamer-it nuk janë të pakta.
“Kam patur shumë stres dhe ankth së fundmi,” tha Doc. “Për mua dhe gruan time kjo është e gjithë jeta jonë. Kemi punuar shumë për të arritur në këtë pikë… Le të themi që i kam ndjerë të gjitha emocionet që mund të ndjesh.”
Dr Disrespect së fundmi kishte firmosur edhe një marrëveshje ekskluziviteti dy-vjeçar me Twitch, por vetëm pak muaj pas fillimit të saj, Twitch e bëri të pavlefshme.
Është e paqartë momentalisht se çfarë planesh ka Dr Disrespect për karrierën e tij, por ai thotë ka sajuar një plan të këndshëm me ekipin e tij, ndaj ndoshta jo çdo gjë është e zymtë.