Bugha po kërkon për një skuadër të re në Fortnite Champion Series

Kampioni i Fortnite World Cup Solos, Kyle ‘Bugha’ Giersdorf, ka zbuluar se po kërkon për një skuadër të re që ti bashkohet për Fortnite Champion Series, pavarësisht faktit që pak më parë kishte njoftuar skuadrën e tij të parë me katër lojtarë.

16 vjeçari, që prezanton Sentinels si organizatë esports, konfirmoi në shtator se në skuadrën e tij për Fortnite Champion Series do ti bashkoheshin: Williams ‘Zayt’ Aubin i NRG, Rocco ‘Saf’ Morales i Ghost Gaming dhe ‘Stretched’ i Team Liquid. Gjithsesi, tani ai ka deklaruar se është në kërkim të një skuadre të re, duke cilësuar se shokët e rinj të skuadrës duhet të jenë të hapur ndaj streaming.

Krahas faktit që është tmerrësisht i mirë në lojë, Bugha ka gjetur sukses edhe në streaming në Twitch, duke treguar këtu edhe disa nga skemat e tij kompetitive. Kjo duket të ketë shkaktuar probleme me skuadrën e tij të mëparëshme, pasi nëse bën stream ndeshjet, mund të shkaktosh që të tjerët të kopjojnë ose të zbulojnë strategjitë e tua. Duket se skuadra e tij nuk ishte e gatshme të mbante një nga pro-të më të mirë të Fortnite, nëse strategjitë e tyre viheshin në kompromis.

Njoftimi i Bugha që ai ishte ndarë nga skuadra e tij e kapi në befasi komunitetin e Fortnite, duke e bërë të fillojë spekulimet se kush mund të jenë ata që do të bashkohen tani me të.

Champion Series do të jetë eventi i parë kompetitiv që pas Fortnite Chapter 2. Duke qenë se është i strukturuar në Squads, ka parë shumë lojtarë të njohur të përpiqen të krijojnë skuadra të forta katërshe.

Ndër më të përmendurat është ribashkimi që ka bërë Turner ‘Tfue’ Tenney me ish shokun e skuadrës në FaZe Clan, Dennis ‘Cloakzy’ Lepore.

Champion Series do të fillojë në 1 nëntor, ndaj Bugha ka pak më shumë se një javë për ti gjetur vetes një skuadër që do e lejojë edhe të konkurojë edhe të bëjë stream. Sado që oferta e tij ka disa kushte, do të ketë plotë skuadra që do të përçahen për të patur një mundësi të ketë Bugha mes tyre.