Tfue dhe Cloakzy do të ribashkohen për Fortnite Champion Series

Duket se dyshja i ka lënë mosmarrëveshjet mënjanë për të konkuruar së bashku sërish.

Streameri i famshëm dhe pro i Fortnite Turner ‘Tfue’ Tenney do të luajë në një skuadër me katër lojtarë, ku përfshihet këtu edhe ish shoku i tij i skuadrës, Dennis ‘Cloakzy’ Lepore. Katërshja do të konkurojnë në Fortnite Champion Series.

Champion Series për Chapter 2 Season 1, do të zhvillohet në squads dhe Tfue do të konkurojë përkrah Cloakzy, pavarësisht mosmarrëveshjeve të tyre të mëparëshme në turnamentin e trios. Po ta mbani mend dy shokët u zunë për një çështje sponsorash me Madden. Gjithsesi mund të klikoni linkun këtu për ta lexuar historinë e plotë.

Gjithsesi duket se dy ish lojtarët e FaZe Clan kanë lënë mosmarrëveshjet e tyre mënjanë dhe kanë vendosur të konkurojnë së bashku edhe një herë tjetër. Ata do të luajnë me dy lojtarët e tjerë që Tfue përfundoi duke konkuruar në Trios, (pasi la 72hrs dhe Cloakzy) Alex ‘Fiber’ Bonetello dhe ‘Khanada’.

Në një tweet, Cloakzy konfirmoi se kjo do të ishte katërshja që do të konkuronte në Champion Series. Është padyshim një skuadër e fortë dhe një që ka fituar tashmë mjaft eksperiencë.

Krahas skuadrës së Tfue, ka edhe shumë skuadra të tjera që kanë konfirmuar pjesëmarrjen në Chaption Series.

Fituesi i Fortnite World Cup Solos, Kyle ‘Bugha’ Giersdorf, do të luajë me Williams ‘Zayt’ Aubin të NRG, Rocco ‘Saf’ Morales nga Ghost Gaming dhe ‘Stretched’ të Team Liquid.

Në rajonin EU pastaj, lojtari i NRG  Benjy ‘Benjyfishy’ Fish do të bashkohet me Kyle ‘Mongraal’ Jackson të FaZe Clan, Klaus ‘Stompy’ Konstanzer të Eleven Gaming dhe Daivd ‘Aqua’ Wang, një nga fituesit e Fortnite World Cup Duos.