Ylli i Twitch Turner ‘Tfue’ Tenney ka marrë një pushim nga Fortnite, duke i lënë disa fansa të mendojnë nëse ai ka mbyllur punë një herë e mirë me battle royale-in. Gjithsesi ky mund të mos jetë rasti në fjalë.
A KA HEQUR DORË TFUE NGA FORTNITE?
Gjatë muajve të fundit Tfue e ka kritikuar shumë Fortnite dhe nuk ka qenë i vetmi në fakt. Gjatë ditëve të fundit loja nuk është parë më në kanalin e tij në Twitch ose YouTube. Kjo ka sjellë disa pyetje nëse ai ka hequr dore nga loja apo jo, por pavarësisht pakënaqësive të tij, Tfue ka thënë se nuk ka hequr akoma dorë plotësisht nga Fortnite.
Pavarësisht këtyre postimeve, spekulimet u ngjallën sërish disa ditë më vonë, pas një postimi tjetër, ku ai i referohej Fortnite si një lojë e bërë për fëmijë të vegjël që luajnë me controller.
Tfue nuk ka postuar as në kanalin e tij në YouTube për gati një javë, me videon e fundit që titullohej thjesht: “Fortnite is a**.”
Mbetet të shohim nëse Tfue do të rikthehet në Fortnite në të ardhmen e afërt. Epic Games së fundmi konfirmuan se Chapter 2 Season 3 në Fortnite do të vonohet deri në datë 11 qershor, ndaj ka gjasa që Tfue të rikthehet në lojë kur të vijnë gjëra të reja me të cilat mund të eksperimentojë.