Sezoni i 3 i Fortnite dhe eventi Doomsday vonohen sërish

Sezoni i ardhshëm i Fortnite ka patur disa vonesa dhe tani duket se historia po përsërit veten, por të paktën pritja nuk do të jetë edhe aq e gjatë këtë rradhë. Fortnite Chapter 2 Season 3 është shtyrë për në datë 11 qershor, një javë më vonë nga ç’ishte planifikuar fillimisht dhe thuajse një muaj më vonë nga data origjinale e caktuar për të.

“Në tentativë për të bërë çdo gjë gati për Chapter 2 Season 3 do e shtyjmë Season 2 me një javë. Lançimi i Season 3 do të ndodhë të enjten e 11 qershorit,” thotë Epic në njoftimin e tij. Të paktën tani keni pak ekstra kohë për të plotësuar sfidat e sezonit.

Epic gjithashtu dha detajet për një event të quajtur The Device, që duket të jetë skenari i shumëpërfolur i Doomsday nga fansat. Ky event do të fillojë të shtunën në 6 qershor në 11:00 EDT / 14:00 EDT / 19:00 BST dhe Epic rekomandon që të vini 30 minuta para sa për të zënë vend.

Le të shpresojmë që kjo vonesë të jetë e fundit.