Para pak kohësh Valve prezantoi një serial të ri të animuar në bashkëpunim me lojën e famshme të Valve, Dota 2, bashkë me një trailer të shkurtër për lojën. Tashmë një trailer i ri ka dalë për ketë anime duke sjellë më shumë detaje.
Sipas informacioneve që kemi, Dota: Dragon’s Blood tregon historinë e Dragon Knight Dacion i cili është një gjuetar dragonjsh. Gjatë një ditë të zakonshme ai njihet me një princeshë misterioze dhe përfshihet në evente të cilat ai nuk mund t’i imagjinonte dot kurrë.
Ky serial i animuar do të vijë në Netflix më 25 mars të këtij viti dhe shumë fansa mezi po e presin atë që të vijë pasi shumë detaje në trailer e ri na sjellin më shumë pyetje. Gjithashtu mos harroni t’i hidhni një sy anime të reja që Netflix do të sjellë për vitin 2021.