Tekken: Bloodline zbulon se kur do të vijë në Netflix me trailer e ri

Tekken po rikthehet përsëri në skenë pas një mungese të gjatë dhe kësaj here si një seri anime. Nëpërmjet një trailer të shkurtër kemi zbuluar se kur do të vijë Tekken: Bloodline në Netflix.

Tekken: Bloodline u njoftua se ishte duke u prodhuar në fillim të pranverës duke na dhënë disa detaje të vogla. Dhe tashmë seria anime është rikthyer me një trailer duke dhënë një datë se kur do të nisë transmetimin. Transmetimi i Tekken: Bloodline do të nisë më 18 gusht 2022 në Netflix.

Në përshkrimin rreth serisë thuhet: Jin Kazama mësoi artet marciale të familjes së tij, Kamaza Style Traditional Martial Arts, nga mamaja e tij në moshë të hershme. Por kur një forcë e keqe shfaqet dhe shkatërron çdo gjë të shtrenjtë për të, jeta e tij ndryshon përgjithmonë.

I nevrikosur me paaftësinë e tij për ta ndaluar, Jin kërkon hakmarrje dhe kërkon fuqi të madhe për ta bërë këtë. Kjo e shtyn atë të marrë pjesë në betejat e tournamentit global të The Kin gof Iron Fist Tournament.

Kur zhvillohet historia e Tekken: Bloodline?

Sipas informacioneve që kemi, seria është e vendosur pas ngjarjeve të Tekken 2 dhe para Tekken 3. Pas vdekjes së mamasë së tij, Jin kërkon hakmarrje ndaj Ogre teksa trajnohet nga gjyshi i tij, Heihachi Mishima.

Akoma nuk kemi detaje të plota rreth staf, cast dhe më shumë dhe detaje të reja priten të zbulohen së shpejti. Mësoni më shumë duke ndjekur trailer e mësipërm.