Scarlet Nexus do të ketë një adaptim në anime

Scarlet Nexus është loja e ardhshme RPG nga Bandai Namco e cila pritet që të vijë së shpejti gjatë vitit 2021. Por pa u lançuar akoma, Funimation ka bërë të ditur që një adaptim në anime i kësaj loje do të vijë së shpejti.

Scarlet Nexus është një lojë RPG futuristike e cila pritet që të lançohet më 25 qershor të këtij viti. Historia e lojës flet për njerëzit të cilët kanë fituar fuqi të mbinatyrshme dhe i përdorin këto fuqi speciale që të përballen me mutantët të cilët vijnë nga qielli. Me shumë linja të ndryshme historish, mund të themi që Scarlet Nexus është kandidati perfekt që të marrë një adaptim në anime.

Funimation ka punuar me shumë anime të famshme si Dragon Ball Z, Attack on Titan dhe Cowboy Bepop. Nëpërmjet një postimi në Twitter, Funimation ka bërë të ditur që kjo anime  do të jetë në platformën e saj streaming dhe se do të vijë nga studio Sunrise e cila njihet për anime si Code Geass, Gintama, Cowboy Bepop dhe më shumë.

Anime në fjalë pritet të vijë gjatë vërës së këtij viti dhe fansat janë të emocionuar të shohin se çfarë do të sjellë Funimation dhe Sunrise.