One Piece: Red zbulon trailer e parë dhe plot detaje

Filmi më i ri One Piece: Red ka sjellur një trailer e parë të këtij filmi anime dhe duke na dhënë detaje të reja mbi çfarë duhet të presim nga ky film. Gjithashtu në të gjejmë plot karaktere ekzistente në seri dhe goxha karaktere të rinj.

Trailer i One Piece: Red na sjell një prej karaktereve më të shumëpritur, vajzën e Shanks, Uta të cilën e shohim në disa pjesë emocionale në këtë trailer dhe ku vihet re modeli i saj i veçantë i flokëve. Bashkë me të mund të shohim të atin e saj, Shanks bashkë me Luffy dhe disa pjesëtarë nga ekipi i tij të cilët janë të veshur ndryshe nga zakonisht.

Akoma nuk e dimë historinë e plotë ose se çfarë do të ndodh ekzaktësisht por sipas informacioneve që kemi, Uta do të luajë një rol goxha të rëndësishëm në këtë film anime dhe pritet të sjellë ndryshime të mëdha. Gjithashtu do të kemi mundësinë të mësojmë më shumë rreth karakterit të Shanks dhe një pjese të të shkuarës së tij.

One Piece: Red do të animohet nga Toei Animation dhe do të nis transmetimin në kinematë japoneze më 6 gusht të këtij viti.