Ëndrra e çdo fansi të Sasuke ose Itachi bëhet realitet
Naruto është një prej anime më popullore dhe të dashura për të gjithë fansat e anime kudo në botë. Shpesh herë e kemi parë që të ketë evente të ndryshme dhe eventi më i fundit iu çon në një hotel special të Naruto i cili do të ketë në fokus klanin Uchiha.
Sipas informacioneve që kemi nga website i Grapee, i gjithë ky event vjen nga Highland Resort and Spa dhe që është një vend goxha i famshëm dhe që çdo fans i anime së Naruto duhet të vizitoj. Kjo vjen për faktin se në 2019 hapi një dhomë të dedikuar për anime e Naruto ku mund të gjenit portrete, dekorime dhe më shumë nga seria anime e Naruto.
Tashmë ky hotel po sjell një dhomë speciale të dedikuar për Uchicha me rastin e ditëlindjes së Sasuke nëpërmjet eventit të quajtur Summer of Uchiha. Eventi do të nis nga 23 korriku dhe do të mbyllet më 11 shtator. Dhoma do të jetë e mbushur me piktura, art, dekorime dhe më shumë të Itachi dhe Sasuke ose gjërave që kanë lidhje me ta. Gjithashtu ju do të keni mundësinë të merrni një “certifikatë” për Shinobi ose Njinja nëse plotësoni disa nga trajnimet dhe misionet që do t’iu jepen.
Por këto nuk janë e vetmja gjë që do të ofrohet. Ky hotel iu ofron gjithashtu edhe një menu të larmishme ushqimesh dhe plot ëmbëlsira ose pije të dedikuara ose inspiruara nga Naruto dhe klani Uchiha.
Ju do të keni mundësinë të merrni merchandise si varëse çelësash, varëse, punime druri të inspiruara nga klani Uchiha dhe më shumë nëse qëndroni në këtë hotel gjatë këtij eventi. Përveç kësaj, ju mund të vizitoni vende të ndryshme si Naruto x Boruto Hidden Village of Konoha.
Me pak fjalë mund të themi që ky është një event që nuk duhet humbur nëse jeni një fans i Naruto ose klanit Uchiha.