Netflix zbulon një anime të re horror

Netflix ka sjellë së fundmi goxha anime në platformën streaming dhe tashmë ka prezantuar një anime të re të zhanrit horror që do të vijë së shpejti në Netflix.

Anime në fjalë e zhanrit horror që do të vijë në Netflix quhet Exception dhe me këtë njoftim ka ardhur edhe një trailer i cili na tregon pak mbi historinë dhe detajet e anime. Exception po punohet nga Tatsunoko Production dhe Studio 5.

Historia e Exception

Anime e Exception është e vendosur në një ta ardhme të largët ku njerëzimi është larguar nga Toka dhe janë zhvendosur në një galaksi tjetër. Anëtarët e një ekipi eksplorimi janë dërguar për të gjetur një planet ku njerëzit mund të jetojnë.

Ky ekip është krijuar nëpërmjet një printer biologjik 3D, por një gabim në sistem bën që njëri prej anëtarëve të këtij ekipi, Lewis, të krijohet në një formë ndryshe. Teksa “Lewis” i vihet kundër anëtarëve të tjerë të ekipit, këta të fundit duhet të bëjnë diçka para se fundi i tyre të vijë.

Exception pritet që të vijë më 13 tetor në Netflix.