Anime së fundmi ka fituar një popullaritet të madh kudo në botë dhe sidomos në dekadën e fundit. Dhe mesa duket anime tashmë janë një trend i madh midis të rinjve.
Ky informacion vjen nga Alden Budill e cila është një prej drejtuesve të platformës së famshme streaming Crunchyroll. Ajo e ka ndarë këtë informacion gjatë A-JAPAN showcase ku prezantoi një kërkim që ishte bërë. Gjatë këtij kërkimi ishte zbuluar se vetëm 6% e Gen Z(personat e lindur midis vitit 1995-2010) nuk kishin dëgjuar kurrë për anime.
Sipas këtyre të dhënave, dimë që më shumë se 90% e personave që janë testuar njihnin se çfarë ishte anime ose e kishin dëgjuar të paktën njëherë. Në studim tjetër të përgjithshëm, vetëm 27% e pjesëmarrësve nuk kishin dëgjuar ndonjëherë rreth anime.
Nëpërmjet këtyre të dhënave, Budill është shprehur se anime përfshin një larmishmëri të madhe gjërash nëpërmjet një kanali të caktuar mediatik. Njerëzit po e përdorin këtë për të treguar gjëra në lidhje me personalitetin e tyre. Kjo është arsyeja pse të rinjtë po përfshihen dita ditës në industrinë e anime.
Kjo është diçka e mirë për Crunchyroll e cila ka qenë e dedikuar kundrejt anime që prej ditës së tyre të parë. Dhe gjithashtu duhet përmendur se pas suksesit të madh që Crunchyroll ka, shumë kompani të tjera kanë filluar të transmetojnë anime ku një ndër to është Netflix.