Sezoni i katër i Attack on Titan ka sjellë shumë personazhe të rinj të cilët ne nuk i kemi parë kurrë më parë. Episodi i fundit i kësaj anime na ka prezantuar me një grup tjetër i cili pritet të ndryshojë rrjedhën e ngjarjeve në Attack on Titan.
Grupi i ri i formuar i cili u prezantua gjatë episodit të kaluar quhet Anti-Marleyan Volunteers. Ky grup është formuar nga rebelë të ndryshëm nga kombet të cilat janë pushtuar nga Marley nëpërmjet fuqisë së Titanëve. Por fatkeqësisht ata nuk arritën të bënin gjë për shkak se ata u detyruan t’i shërbenin ushtrisë Marleyan derisa sa ata gjetën liderin e tyre Zeke Yeager.
Episodi 68 na tregon më shumë rreth historisë së tyre nga këndvështrimi i Yelena e cila është drejtuesja “de-facto” e këtij grupi. Gjithashtu zbulohet se Yelena është personi i cili futi në kurth Pieck dhe Galliard gjatë sulmit surprizë të Eren.
Gjatë tregimit të kësaj historie mësojmë arsyet pse grupi i cili ishte nisur nga Marley për të investiguar Paradis Island nuk u kthye kurrë. Zbulohet se ky grup nuk ishte vrarë nga Survey Corps por ishte shfrytëzuar nga Anti-Marleyan Volunteers për të folur me Survey Corps dhe bashkëpunuar me ta.
Gjithashtu Survey Corps fillojnë të mësojnë më shumë rreth dijeve dhe teknologjisë që ata kanë duke filluar që prej armëve të thjeshta dhe deri tek mjetet fluturuese. Kjo gjë iu mëson atyre më shumë rreth armiqve të cilët fshihen pas detit.
Anti-Marleyan Volunteers sjellin me vete edhe një ftesë për bashkëpunim nga Zeke i cili iu tregon se si fuqitë e Founding Titan funksionojnë dhe se ka për qëllim që të krijojë një mbretëri të re Eldian. Gjithashtu ai zbulon se do të që të shkaktojë Rumbling i cili do të shkatërrojë muret e Paradis Island duke çliruar Colossal Titan që fshihen atyre.
Ky propozim bën që Survey Corps dhe Anti-Marleyan Voluteers të bashkohen kundër Marley dhe të bashkëpunojnë me njëri tjetrit nëpërmjet mënyrave të ndryshme të cilat na bëjnë që të kemi më shumë pyetje rreth zhvillimit të ngjarjeve në të ardhme në Attack on Titan.