Naruto është një prej anime më të njohura kudo në botë si nga fëmijë por gjithashtu edhe nga të rritur. Dhe si gjithmonë fansat duan gjithmonë e më shumë diçka të re nga seria dhe kjo ka nxitur një debat se cilët karaktere nga Naruto meritojnë një spin-off.
Ky debat ka nisur në Reddit ku fansa të ndryshëm kanë diskutuar se cili personazh duhet të ketë një spin-off. Dhe për të gjithë ju që nuk e dini, spin-off është kur tregohet një histori e re e bazuar në një karakter ose personazh.
Shumë prej jush ndoshta po mendoni për karaktere si Shikamaru, Itachi dhe shumë të tjerë por në fakt fansat kanë patur diçka tjetër në mendje. Njëri prej karaktereve që u spikat më shumë ishte Sakumo Hatake, babai i Kakashi.
Kjo vjen për faktin se fansat nuk kanë shumë informacione rreth tij dhe dinë se ai zgjodhi të vriste veten pasi një mision dështoi për shkak të veprimeve të tij. Fansat janë goxha kurioz të mësojnë se si babai i Kakashit, Sakumo Hatake, ishte para se të ndërronte jetë.
Shumë fansa të tjerë kanë zgjedhur Third Hokage, Hiruzen, pasi janë goxha kurioz të dinë se si ai ka qenë vite para se të shfaqej në anime. Disa të tjerë kanë zgjedhur Suigetsu me arsyen se duan ta shohin historinë dhe aventurat e tij teksa mblidhte Seven Swords of the Mist.
Shumë karaktere të tjera janë përmendur ku ndër ta mund të përmendim Shisui, Zabura dhe klanin e Akatsuki ku ndër ta spikat Deidara ku fansat janë kurioz të dinë se si ky karakter ishte para dhe arsyet pse iu bashkua këtij klani.