Netflix ka sjellë një trailer të ri për filmin më të ri anime i cili do të vijë në fund të muajit. Dhe bashkë me këtë trailer na sjell disa detaje të reja.
Filmi më i ri anime që do të vijë në Netflix është Bubble i cili është një nga filmat më të shumëpritur anime për këtë vit duke marrë parasysh staf dhe studion e animacionit. Bubble do të ketë si regjisor Tetsuro Araki dhe skripti do të shkruhet nga Gen Urobuchi i cili është një ndër krijuesit e Madoka Magica.
Kompozitor do të jetë Hiroyuki Sawano i cili është një kompozitor goxha i famshëm dhe ka krijuar kolonat zanore për seri si Attack on Titan, Gundam dhe më shumë. Kurse dizajni origjinal i karaktereve është kryer nga artisti i Death Note, Tajeshi Obata.
Historia e Bubble është e vendosur në Tokio ku disa “flluska” kanë prishur gravitetin e botës. Tokio tashmë është bërë një vend për të rinjtë të cilët kanë humbur familjet dhe e përdorin këtë vend për parkour teksa ata kërcejnë nga një ndërtesë në tjetrën.
Hibiki është një i ri i cili njihet për stilin e tij të rrezikshëm parkour i cili kryen një lëvizje të gabuar dhe rrezikon jetën. Por ai shpëtohet nga Uta, një vajzë me fuqi misterioze. Të dy ata dëgjojnë një zë që mund ta dëgjojnë vetëm ata të dy dhe këtu nis historia e tyre për të ndryshuar botën.
Bubble është planifikuar për t’u transmetuar më 28 prill 2022 në Netflix.