Nëse ende nuk e keni parë Endgame, më mirë mos ta lexoni këtë artikull.
Nëse ende nuk e keni parë Endgame, më mirë mos ta lexoni këtë artikull.
Teksa Avengers: Endgame shkatërroi box office dhe zemrat tona në premierën e tij, Marvel është gati për të bërë bum-in e rradhës vetëm dy muaj më vonë me Spider-Man: Far From Home. Filmi vazhdues i Spider-Man: Homecoming, që do të vijë në kinema me datë 2 korrik, ka publikuar një trailer të ri, i cili sinqerisht na ka përlotur të gjithëve nga e para. Kemi lotuar dhe nga të qeshurat në fakt, duhet të jemi të drejtë këtu.
Trailer-i i parë që erdhi në janar pak a shumë na tregoi linjat bazë të historisë, por duke qenë se Endgame ende nuk ishte publikuar në atë pikë, u tregua disi i përmbajtur në detaje. Traileri i rradhës hapet me Peter Parker (Tom Holland) teksa përpiqet të menaxhojë vdekjen e Tony Stark. Duke qenë se situata është ende pak e rëndë, ai dhe miqtë e tij të gjithë vendosin se kanë nevojë të bëjnë ca pushime. Gjithsesi Nick Fury futet në lojë dhe i bën thirrje për ndihmë, si i vetmi Avenger i disponueshëm për momentin.
Një tjetër pjesë interesante rreth këtij filmi është prezantimi i një heroi të ri, që mendohet të jetë nga një univers tjetër, i quajtur Mysterio. Këto dy të fundit duhet të bashkëpunojnë së bashku për të mposhtur të këqinjtë. Për ju që jeni fansa dhe të komikëve, do ta kuptoni se diçka nuk shkon në këtë mes. Kjo për faktin se Mysterio klasifikohet si një nga antagonistët më të mëdhenj në historinë e Marvel. Gjithsesi ideja e trailerit është interesante, sepse na parashtron të gjithëve para të papriturës.
Nëse nuk i dini informacionet më specifike, Spider-Man: Far From Home ka si protagonist Tom Holland si Peter Parker, Jake Gyllenhaal si Mysterio, Zendaya si MJ, Jacob Batalon si Ned, Cobie Smulders si Maria Hill, Marisa Tomey si May Parker dhe sigurisht të madhin Samuel L. Jackson si Nick Fury.
Ky është filmi i fundit i Marvel të cilit i është konfirmuar data e premierës. Gjithsesi dimë që shumë filma interesantë si: Black Widow, (As)Guardians of Galaxy 3, Black Panther 2, Doctor Strange 2, The Eternals dhe Shang-Chi do të vijnë në fazën e katërt të MCU.