Një teori shumë intriguese e Spider-Man: Far From Home spekulon se Michelle ose ndryshe MJ(Zendaya) është vajza e Nick Fury, super agjentit të S.H.I.E.L.D (Samuel L. Jackson).
Sipas teorisë, Fury u largua nga familja e tij kur duhej të fshihej nga Hydra në Captain America: The Winter Soldier. Duke gjykuar që personazhi i MJ është gjithmonë e ngjashme me mënyrat e të sjellurit dhe të reaguarit të Fury, është arritur në konkluzionin që jo mund të jetë e bija e tij.
Mendohet se në Spider-Man: Far From Home, Fury nuk vjen në udhëtimin e Piter vetëm për të shpëtuar botën, por sepse gjithashtu është një baba që do të hedhë një sy nga vajza e tij.
Teoria lidhet pak edhe me deklaratën e mëparëshme të regjizorit Jon Watts. Ai është shprehur se mezi ka pritur që ta shtojë Fury si pjesë e serive, specifikisht si një forcë kundërshtuese ndaj ndikimit të Tony Stark. Nëse Tony është si një figurë babai për Piter, Fury do të jetë më shumë si një njerk i keq.
“Fury nuk e shikon veten te Piter Parker. Fury thjesht e shikon Peter si një aset që është shumë preokupuar me probleme gjimnazi”, ka thënë Watts.
Nëse kjo teori do të dalë e vërtetë do të ishte fantastike, por për këtë si gjithmonë do t na duhet të presim. Gjithsesi tani vëmendjen më të madhe të gjithë e kemi te Avengers: Endgame që vjen në më pak se një javë.