Netflix do të sjellë një serial të Resident Evil

Ai do të vendoset në Raccoon City.

Netflix ka njoftuar zyrtarisht se është duke punuar me një serial të Resident Evil. Sezoni me tetë episode do të ketë në të motrat binjake Jade dhe Billie Wesker dhe ka Andrew Dabb nga Supernatural në krye të skenarit.

Sipas Netflix, seriali do të jetë live action dhe do të ketë tetë episode nga një orë, në sezonin e tij të parë. Ende nuk dihen planet për sezone të mëtejshme. Dy episodet e para do të jenë nën regjinë e Browen Hugh, që ka drejtuar episode të  The Walking Dead, Better Call Saul, Hawaii Five-0 etj.

Një nga përmbajtjet e postuara në Twitter thuhet se seriali do të ndahet në dy linja kohore. Në njërën prej tyre, motrat Wesker sapo kanë ardhur në Raccoon City dhe fillojnë të kenë dyshime për babain e tyre, që me shumë gjasa do të jetë Albert Wesker, dhe qëllimet e tij.

Resident Evil ka patur mjaftueshëm adaptime filmash deri më tani, të cilat kanë treguar historinë e tyre të shkëputur nga vazhdimësia e lojërave. Vetë lojërat kanë patur një ecuri të shkëlqyer, por e njejta gjë nuk mund të thuhet edhe për filmat. Le të shpresojmë që Netflix do të mund ta portretizojë më mirë klasikun e horrorit të Capcom, në këtë serial të ri.