Një tjetër bashkëpunim i tipit Marvel-Netflix ka marrë fund, kur Netflix njoftoi të enjten në darkë se kishte anulluar Daredevil. Daredevil ishte ndër projektet e para në bashkëpunim me Marvel dhe pas tre sezonesh me publikun, ai ka takuar fundin e tij.
Lajmi erdhi dy muaj pas publikimit të sezonit të tretë të Daredevil. Ky i fundit nuk është i pari që anullohet nga serialet e bazuara në Marvel. Në tetor, të dyja Luke Cage dhe Iron Fist u anulluan pas dy sezonesh. Kjo vjen si pasojë e tendencës së Netflix për tu distancuar nga kompanitë e tjera që kanë shërbime transmetuese të tyren.
Deklarata e Netflix shtonte që: “…sado që seritë në Netflix kanë përfunduar, tre sezonet do të mbeten në paketën tonë edhe në vitet e ardhshme, por e ardhmja e personazhit Daredevil do të mbetet në duart e Marvel.”
Në prill të 2018s, Netflix njoftoi se Jessica Jones do të rinovohej për një sezon të ri dhe në dhjetor të 2017s e njejta procedurë ndodhi edhe me Punisher. Këto dy seriale janë të vetmet të llojit Netflix/Marvel që i mbeten sistemit.