Ndiqni All The Stars në Cineplexx dhe Captain Marvel këtë javë në QTU

Heronjtë tuaj të preferuar rikthehen këtë javë në Cineplexx QTU

Të gjithë e dimë se 2019 do të jetë madhështore për Marvel. Filmi i parë që nis traditën për këtë vit do të jetë pikërisht historia e personazhit Carol Danvers në Captain Marvel. Me rastin e ardhjes së një filmi kaq të pritur nga publiku, Cineplexx ka vendosur të bëjë diçka vërtet speciale për ju.

Sot ka nisur eventi All The Stars në Cineplexx. Kjo është mundësia perfekte për të gjithë ju që mund të keni humbur një nga filmat e heronjve tanë të dashur ose për ju që thjesht doni të tregoheni pak nostalgjikë. Gjatë datave 7-12 mars, Cineplexx (QTU) do të shfaqë përkatësisht filmat më të ndjekur të Marvel, për vetëm 300 lekë në 3D.

• Doctor Strange (7 mars, ora 20:00)
• Guardians of the Galaxy Vol 2 (8 mars, ora 20:00)
• Thor: Ragnarok (9 mars, ora 20:00)
• Black Panther (10 mars, ora 20:00)
• Avengers: Infinity War (11 mars, ora 20:00)
• Ant-Man and the Wasp (12 mars, ora 20:00)

Gjithsesi pjesa më e bukur është me datë 13 mars gjatë premierës së Captain Marvel. Për të gjithë ju që do ti bashkoheni ambjenteve të Cineplexx (QTU) gjatë premierës së filmit në orën 20:00 do të keni të përfshirë me biletën një dhuratë dhe një pije falas. Çfarë mund të kërkosh më shumë nga jeta?

Captain Marvel është një nga filmat më të shumëpritur jo vetëm për vitin 2019, por për të gjithë filmat e universit të Marvel. Prezenca protagoniste e një heroine femër në të është vërtet e mrekullueshme. Për të gjithë fansat e Marvel që e mbajnë mend si u mbyllën gjërat në Avengers: Infinity War ky film është diçka që nuk duhet humbur.

Shikoni faqen zyrtare të Cineplexx për të marrë më shumë detaje rreth All The Stars në Cineplexx dhe premierës së Captain Marvel. Shijojeni në maksimum këtë javë heronjsh, por mbi të gjitha mos humbni premierën e datës 13.