Filmi i Mortal Kombat do të vijë në prill

Filmi do të mund të shihet në kinema dhe HBO Max.

Filmi i ri i Mortal Kombat që ishte planifikuar të vinte në mars, ka një datë të re lançimi: Warner Bros njoftoi në Twitter se filmi do të vijë në kinema dhe HBO Max në datë 16 prill. Data e re erdhi pak javë pas njoftimit surprizues të datës 3 dhjetor nga Warner Bros, se të gjithë filmat e tij që do të dalin në 2021, do të jenë të disponueshëm edhe në HBO Max.

Ky model “hibrid” lançimi u zhvillua si një “reagim strategjik ndaj impaktit të lënë nga pandemia e COVID-19, mbi të gjitha në SHBA.” Pas një muaji në HBO Max filmat do të hiqen prej aty, por do të vazhdojnë të jenë të disponueshëm në kinema.

Warner thotë se do e mbajë këtë plan për një vit, për të kompensuar kështu sadopak humbjet në box office, të shkaktuara nga pandemia e COVID-19, por prapëseprapë është hasur me fjalë të ashpra nga kritika, që mendon se kjo do e dëmtojë imazhin e industrisë së filmave.

Regjizori i Tenet, Christopher Nolan tha se: “industria e filmave kujtoi se po punonte për studion më të mirë të të gjitha kohërave dhe kuptoi më vonë se në fakt po punonin për shërbimin streaming më të keq.”. 

Ndërkohë Denis Villeneuve shkroi se: “industria e filmave nuk mund të mbahet në këmbë vetëm përmes streaming. Vendimi i Warner Bros nënkupton se Warner Bros nuk do të mund të performojë financiarisht dhe se piratëria do të triumfojë në fund. Warner Bros mund të ketë vrarë serinë e Dune.”

Kohë të vështira për të gjithë, por për ne ndoshta kjo thjesht nënkupton që do të mund të shohim më lehtësisht disa nga filmat tanë të preferuar.