Joker 2 ka më në fund një datë lançimi

Joker 2 ka një datë lançimi dhe detaje të reja të kastit të aktorëve

Në Qershor, morëm lajmin emocionues se një vazhdim i thriller psikologjik i 2019, Joker është në rrugë e sipër. Le ta pranojmë, ishte me të vërtetë çështje kohe – nëse një film arrin të mbledhë mbi 1 miliard dollarë në fitime, është në interesin e shumicës së njerëzve që të shohin më shumë nga ai film, dhe… kjo është pikërisht ajo që po ndodh, filmi i dytë i Joker është rrugës.

Filmi titullohet Joker: Folie á Deux, i cili me sa duket i referohet një çrregullimi psikologjik në të cilin simptomat e deluzioneve ose halucinacioneve dërgohen nga një person te tjetri. Me siguri ka shumë sugjerime se për çfarë do të jetë filmi, por fatkeqësisht kaq është informacion që kemi deri.

Data e lançimit të Joker 2

Gjithsesi, tani për tani, mund të mos kemi më detaje të historisë, por kemi diçka tjetër shumë të rëndësishme – datën e publikimit. Deadline raporton se, sipas një përditësimi në Comscore, Joker: Folie á Deux do të shfaqet në ekranet e kinemasë më 4 Tetor 2024. Ata gjithashtu pretendojnë se prodhimi i filmit do të fillojë këtë Dhjetor.

Pra, kjo është një pritje shumë përpara nesh. Së fundmi u konfirmua se këngëtarja Lady Gaga me do të jetë pjesë e filmit dhe me shumë mundësi në rolin e Harley Quinn. Joker 2 po ashtu mund të jetë në fakt një muzikal. Ky është ende një informacion jozyrtar, por do ta pranoj se jam kurioz të shoh se si do të funksiononte (edhe pse nuk jam shumë fans i muzikaleve).

Todd Phillips, i cili do të jetë regjizor i Folie á Deux (dhe gjithashtu ishte regjizor i Joker), ka punuar më parë si producent në A Star Is Born (2018), kështu që nuk do të ishte hera e tij e parë që punon me Lady Gaga.