Jeta e mbretit të futbollit, Pelé, tashmë një dokumentar në Netflix

Një dokumentar i Netflix që shpalos jetën e ikonës së futbollit, afro-braziliani, “Edson Arantes do Nascimento” – i njohur ndryshe si Pelé.

Pelé mund të jetë lojtari më i mirë ndonjëherë, por trashëgimia e tij jashtë fushe do të vihet në diskutim në Brazil për brezat që do të vijnë. Të paktën, ky është përfundimi i një dokumentari të ri në Netflix të drejtuar nga regjizorët David Tryhorn dhe Ben Nicholas, të cilët kaluan orë të tëra në kompaninë e Pelé duke e intervistuar atë për gjithçka, nga një fëmijëri e kaluar në varfëri dhe marrëdhëniet e tij të diskutueshme me regjimin autoritar që drejtoi Brazilin gjatë karrierës së tij futbollistike.

Shikuesit mund të shohin prapa në kohë, kurbën e jashtëzakonshme të Pelé – lojtari i vetëm që fitoi tre tituj të Kupës së Botës, pasi ai kaloi nga “Supertalenti i Ri” në 1958, në një hero kombëtar në Brazil. David Tryhorn, bashkë-regjizori i filmit, shprehu pikëpamjet e tij mbi rëndësinë kulturore të yllit ndërkombëtar afro-brazilian brenda vendit të tij.

“Para vitit 1958, (Kupa e Botës 1958) Brazili nuk njihej si vendi i futbollit askund tjetër. Pas vitete 1970, (Kupa e Botës 1970) gjëja e parë që mendoni kur përmendet Brazili është futbolli. Dhe teksa kjo i përket një brezi tërësisht lojtarësh të talentuar, Pelé ishte gjithmonë faktori bashkues. Ai kontriboi në formimin e identitetit kulturor të një kombi. Kjo tingëllon si një gjë e madhe për tu thënë, por nuk mendoj se është aq e tepruar në këtë rast “.

Nga fillimet ambicioze, deri në parajsën e suksesit

Filmi përshkruan udhëtimin e jashtëzakonshëm të Pelé për t’u bërë ‘Mbreti i Futbollit‘ dhe për të udhëhequr ekipin e kombit të tij drejt fitores së tyre historike në Kupën e Botës 1970. Me një qasje të rrallë dhe ekskluzive të filmuar me vetë gjigandin brazilian, filmi shfaq emocionalisht yllin Pelé duke reflektuar mbi karrierën e tij mbresëlënëse.

Tryhorn shprehet mbi popullaritetin e Pelé në Brazil si më poshtë :

“Askush nuk krahasohet me Pelé, sepse ai u bë një fenomen kaq global. Dukej sikur i përkiste të gjithë botës më shumë sesa vetëm Brazilit. E cila në fakt është disi e padrejtë sepse ai luajti tërë karrierën e tij në Brazil, duke sjellë në shtëpi tre Kupa Botërore në Brazil. në Brazil. Unë mendoj se ai ndoshta vuan siç bëjnë shumë njerëz shumë të famshëm për faktin se ai është ende prezent rreth nesh. Kanë kaluar 50 vite, që kur ai shkelmoi një top futbolli për herë të fundit“.

I prodhuar nga Kevin Macdonald, i vlerësuar me çmime dhe tashmë i mbushur me vlerësime pozitive, dokumentari mbi jetën e Pelé debutoi në mbarë botën në Netflix më 23 Shkurt 2021.