Filmi Warner Bros. Minecraft ka një regjizor të ri, Peter Sollett, puna e të cilit përfshin serinë televizive The Path nga Hulu dhe filmat Freeheld dhe Nick dhe Norah’s Infinite Playlist. Sollett ka zëvendësuar bashkë-krijuesin It’s Always Sunny in Philadelphia Rob McElhenney, i cili hoqi dorë nga filmi vitin e kaluar.
Çfarë është më interesante se një drejtor i ri për filmin Minecraft – është përmbajtja e tij. Sipas Variety, filmi Minecraft do të tregojë historinë e “një vajze adoleshente dhe grupin e saj të aventurierëve që duhet të shpëtojnë Overworld-in e tyre të bukur nga i ligu Ender Dragon”.
Kjo përmbledhje duket se është realizuar nga shkrimtarët Aaron dhe Adam Nee, të cilët u caktuan për të shkruar skenarin e filmit Minecraft kur McElhenney braktisi projektin. McElhenney punoi për versionin e mëparshëm me shkrimtarin Jason Fuchs, i cili ka ndihmuar për skenat e filmave Wonder Woman dhe Ice Age: Continental Drift.
Warner Bros. dhe Mojang kanë punuar për një film të Minecraft që nga fillimi i vitit 2014. Përpjekja e parë e kompanive përfshiu drejtorin Shawn Levy që propozoi një aventurë të stilit Goonies të vendosur në botën e Minecraft . McElhenney u bashkua me projektin në 2015 me pritjen e nxjerrjes në kinema në 2019.