Green Goblin duket rrënqethës në teaser e ri të “Spider-Man: No Way Home”

Marvel Studios ka publikuar një sërë posterash të rinj përpara shfaqjes të Spider-Man: No Way Home, secili duke vendosur në qendër të vëmendjes një nga keqbërësit e shumtë që Peter Parker do të luftojë këtë herë.

Tre posterat ndërkombëtarë theksojnë Doctor Octopus (Alfred Molina), Green Goblin (Willem Dafoe) dhe Electro (Jamie Foxx). Molina dhe Dafoe luftuan fillimisht me Spider-Man të Tobey Maguire në trilogjinë e Sam Raimi, ndërsa Foxx u shfaq në filmin e shumëpërfolur The Amazing Spider-Man 2.

Falë disa mashtrimeve të bazuara në multiverse, këta të lig klasik do të kalojnë nga bota e tyre për të luftuar Spidey e MCU të Tom Holland. Atyre do t’u bashkohen Lizard (Rhys Ifans) dhe Sandman (Thomas Haden Church), por tre posterat e personazheve nënkuptojnë fuqimisht se janë Ock, Goblin dhe Electro që do të jenë fokusi kryesor i keqbrësve në No Way Home.

Posterat janë mjaft të shkëlqyeshëm. Secili e shfaq Spidey duke i ngulur sytë tek keqbërësit, dhe na jep pamjen tonë më të mirë deri tani tek djemtë e këqij. Ne mund ta shohim kostumin e ri me shkëlqim të Electros në detaje, dhe armatura klasike e gjelbër e Goblin nuk është dukur kurrë kaq rrënqethëse.

Bazuar në trailerat, duket sikur Goblin i Dafoe do të heqë përfundimisht kostumin e tij Raimi për diçka pak më të rehatshme. Megjithatë, do të jetë një shpërthim i mrekullueshëm nostalgjie ta shohësh atë përsëri në temat e tij të frymëzuara nga Power Ranger, qoftë edhe për pak kohë. Tani të gjithë ne mezi presim ta shohim sërish.