Filmat nuk do duhet të jepen më në kinema që të kualifikohen për Golden Globes

Me kinematë që janë mbyllur për shkak të pandemisë së coronavirus, studiot po i kalojnë filmat e programuara për në kinema në shërbime streaming ose thjesht po i shtyjnë për një periudhë më të vonët. Kjo gjë e ka detyruar të gjithë industrinë që të bëjë disa ndryshime dhe sot Hollywood Foreign Press Association (HFPA) njoftoi se përkohësisht do të konsiderohen për Golden Globe edhe filma që nuk janë dhënë në kinema.

Producentët dhe studiot ende duhet të vërtetojnë se kishin një plan për ta dhënë filmin e tyre në kinema deri në datat 15 mars – 30 prill. HFPA do të konsiderojë momentalisht edhe filma që janë publikuar në faqe streaming ose kabllor.

Çmime të tjera përveç Golden Globes me shumë gjasa do të ndjekin të njejtat hapa. Academy of Motion Picture Arts and Sciences po konsideron ndryshimet për Oscars dhe pritet të japë verdiktin e saj pas një mbledhjeje të programuar për në 14 prill.

Univeral tani është duke i sjellë filmat në shtëpi dhe kinema në të njejtën kohë. Onward, i Pixar, erdhi në Disney+ vetëm pak ditë pas datës së premierës në kinema dhe Paramount po i dërgon filmat direkt në Netflix.