Avengers: Endgame është padyshim një nga filmat më të mëdhenj të këtij viti. Nëse keni vendosur të shikoni disa filma të Marvel Cinematic Universe që do iu ndihmojnë të bëni më mirë lidhjen mes ngjarieve që do të ndodhin do iu duhet një listë e organizuar. Nuk mund thjesht ti futeni me kokë sepse praktikisht nuk do të kuptoni asgjë. Endgame është finalja e 22 filmave të Marvel që kanë filluar që me Iron Man-in e 2008s. Gjithsesi jo secili prej këtyre filmave është i nevojshëm për të kuptuar Avengers: Endgame. Plus që sinqerisht, kush ka kohë të bëjë maratonë me 22 filma.
Më poshtë do të gjeni listën e filmave në rend kronologjik, të organizuar sipas fazave të MCU, që duhet të shihni përpara se të paguani atë pesmijëlek-shin për biletën e Endgame-it.
Faza 1
Faza e parë e MCU përmbante gjatë filma që u përmblodhën me Marvels The Avengers. Vetëm gjysma e këtyre filmave janë themelorë .
Iron Man (2008)
Për të vlerësuar fundin e diçkaje është mirë të jesh i njohur me fillimin e saj. Sado që jam e sigurtë që shumica prej jush e kanë parë si film, padyshim që të njohurit e personazhit të Tony Stark është e nevojshme për ta perceptuar më mirë jo vetëm Endgame, por edhe filma të tjerë të Marvel që e përfshijnë këtë të fundit. Në këtë film prezantohet një personazh që arrin forcën e tij aksidentalisht nga armët e tij shkatërruese dhe më vonë e përdor këtë forcë për të shpëtuar botën. Duhet mbajtur në mend se relatat e Tony Stark me Pepper Pots janë po aq të rëndësishme sa edhe ajo me Steve Rogers.
Captain America: The First Avenger
Superheroi origjinal i Marvel vjen në trajtën e një Steve Rogers në Luftën e Dytë Botërore si Captain Amerika, falë një serumi ushtarësh që i injektohet nga Qeveria Amerikane (dhe babai i Tony Stark). Steve gjithashtu takohet dhe bie në dashuri me Peggy Carter, një nga agjentet themeluese të SHIELD. Brenda këtij filmi paraqitet edhe Space Stone, një ndër gurat e Infinity Store.
E gjithë historia e Steve Rogers lidhet me idenë e të paturit besim në një kauzë më të madhe se ajo e vetësakrifikimit të një personi.
Marvel’s The Avengers (2012)
Nëse i bëtë skip Thor dhe The Incredible Hulk, fillimi i The Avengers do ju mbajë të informuar me çdo gjë që duhet të dini dhe me vonë e gjithë skuadra formohet për të luftuar Loki. Filmi gjithashtu trajton lidhjen mes Black Widow dhe Hawkeye. Beteja finale në fund të filmit në New York është eventi kyç ku qarkullon e ardhmja e MCU. Është momenti ku skuadra e heronjve kupton realisht potencialin e gruipit të tyre. Gjithashtu në fund kemi edhe një shikim të vogël të personazhit të Thanos.
Faza 2
Edhe në fazën e dytë janë tre filma që mund ti anashkaloni nëse orarin e keni të limituar. Iron Man 3 përshembul është një film fantastik, por nuk është se përmban shumë informacione të nevojshme për vazhdimësinë e ngjarieve. E njejta gjë mund të thuhet edhe për Thor: The Dark World ose për Ant-Man.
Captain America: The Winter Soldier (2014)
Tranzicioni i Captain America nga një agjent i SHIELD në një luftëtar të HYDRA nuk duhet humbur. Ky vazhdim i Captain America trajton si duhet tematikën e Winter Soldier. Në këtë seri Avengers do të përçahen dhe miqësia mes Steve dhe Natasha bëhet pikë kyçe për të dy ata.
Guardians of the Galaxy (2014)
Në këtë film MCU del jashtë kufinjve të plantetit tokë për të na prezantuar Guardians of the Galaxy. Takohemi me Gamorën dhe Nebulën, të dyja vajzat e Thanosit. Objekti kryesor i këtij filmi është Orb, një send që ruan brenda tij Power Stone. Si bonus kemi edhe historinë e Infinity Stones dhe mund të shohim për herë të parë setin e plotë të të gjashtëve.
Avengers: Age of Ultron (2015)
Ndër filmat më të mërzitshëm të MCU që duhet të shihni për të kuptuar Endgame, është ky ku fiksimi i Tony Stark për të mbrojtur të gjithë e kalon cakun kur ai krijon një formë të inteligjencës artificiale që në fund rezulton të jetë një robot që i kundërvihet të gjithëve. Steve Rogers fillon të ndërhyjë në qëllimet e Tony. Më tej e krijuar nga Mind Stone në skeptrin e Loki, Scarlet Witch dhe vëllai i saj marrin gurin, ja çojnë Ultron, i cili më vonë krijon Vision. Për të mposhtur Ultron, Avengers ju duhet të shkatërrojnë një qytet imagjinar pa lejen e qeverisë.
Shkurt muhabeti e dimë që kshu ngjan e mërzitshme, por thjesht shikojeni.
Faza 3
Në fazën e tretë filmat e Marvel thjesht po lulëzojnë. Tani në këtë pikë mund ti bëni skip Doctor Strange. Film shumë i bukur sinqerisht, por nuk është shumë i rëndësishëm në raport me Endgame, përveç prezantimit të Time Stone në të. Guardians of the Galaxy Vol.2 sërish është i bukur, por jo i rëndësishëm për serinë e fundit të Avengers dhe ndonëse Black Panther mund të jetë filmi më i mirë i MCU pas Avengers, ndan të njejtin argument me dy filmat më lart. Captain Marvel pastaj prezanton kryesisht idenë e personazhit të Carol Danvers, por këtu shiheni kot për qef se është vërtet fantastik si film.
Captain America: Civil War (2016)
Captain America: Civil War është shfryrja e çdo inati që kanë patur Avengers-at mes tyre deri në këtë pikë. Kuptohet edhe nga titulli dmth.. lufta civile. Nejse, Steve dhe Tony zihen në fund të filmit dhe Captain America humb mburojën, e cila që nga ajo pikë nuk është parë më.
Spider-man: Homecoming (2017)
Ky ndoshta edhe mund të anashkalohet, por kryesisht mund ta shihni për ndërtimin e relatave mes Tony dhe Peter. Është i këndshëm si film, por nëse e keni vërtet të limituar kufirin kohor, thjesht mabni në mendje që Peter Parker është si një djalë për Tony Stark dhe është pikërisht ky element që e bën ekstra-emocionuese mbylljen e Infinity War.
Thor: Ragnarok (2017)
Thuajse të gjithë filmat e Thor kanë të njejtën linjë zhvillimi, por Thor: Ragnarok bën përjashtim. Çekiçi i Thor del jashtë funksioni, Doctor Strange shfaqet, Loki rimerr Tesseract dhe Asgard shkatërrohet, duke i çuar gjithë banorët e tij si refugjatë te Thanosi. Oh gjithashtu gjejmë edhe Hulk.
Ant-Man and the Wasp (2018)
Sado që Ant-Man and the Wasp doli pas Infinity War dhe skenat post-credit trajtojnë ngjarien pas ‘snap’-it të Thanos. Shumica e filmit merret me pasojat e Civil War. Të gjitha personazhet e rëndësishme nga filmi i parë rikthehen, por këtë rradhë mësojmë më shumë rreth Wasp dhe Quantum Realm.
Avengers: Infinity War
A është vërtet nevoja për tiu thënë që ta shihni ktë. Jo seriozisht është turp nëse nuk e keni parë. Duhet marrë parasysh se Infinity War dhe Endgame janë shkruar dhe xhiruar në të njejtën kohë, ndaj çdo pyetje që do të keni nga Infinity War është e qëllimshme. Gjithsesi çdo gjë do e marrim vesh në premierën e Avengers: Endgame në 26 prill.