Adaptimi filmik i Gears of War ende nuk ka marrë një titull, por Variety ka konfirmuar se është gjetur personi që do të merret me skenarin.
Ky i fundit është F. Scott Frazier, shkrimtari pas “Collide” dhe “xXx: Return of Xander Cage”.
Nuk është ende e qartë se sa saktësisht do të ndiqet skenari i serive të video-lojërave ose se kush do ti portretizojë personazhet, por spekulimet thonë se Dave Bautista nga “Guardians of the Galaxy” e ka syrin në rolin e Marcus Fenix.
“E kam ndjekur prej vitesh Gears of War dhe mendoj se Marcus Fenix është padyshim roli i ëndrrave për mua. E gjitha është në dorë të Universal Studios dhe e di që ata janë lodhur nga të trokiturat e mia të vazhdueshme në derë, por vërtet e dua atë rol.” Është shprehur Bautista në një intervistë.
Me një lojë që mbart potencial të tillë si Gears of War, shpresojmë të shohim diçka vërtet të realizuar në të ardhmen.