Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Episodi i shumëpritur i ribashkimit të Friends supozohej të lançohej në ditën e parë të shërbimit streaming të WarnerMedia, HBO Max, por përfundoi duke u shtyrë në një afat të papërcaktuar për shkak të pandemisë së COVID-19. Tani, Bob Greenblatt i WarnerMedia ka thënë se plani është që xhirimet të bëhen në fundin e verës.
Si shumë kompani, Time Warner nuk e priste që situata e karantinës të zgjaste kaq shumë, por e mira është se ka filluar të vendosë prapë në vend planet për produksionin. Kur të bëhet ribashkimi i Friends, Geenblatt tha se do që ta bëjë sa më mirë që të jetë e mundur. Me mbi 15 vite që kur kasti ka filmuar së bashku një episod, nuk është çudi që e gjithë kjo është një situatë kaq gjigande për TimeWarner dhe për fansat.
“Po shpresojmë që të mund ta realizojmë këtë episod special nga fundi i verës. Mendojmë se ka një farë vlere të sjelljen e një audience live për rikthimin e ktëyre gjashtë personazheve dhe nuk duam që thjesht ta bëjmë në një telefonatë nga interneti, me gjashtë njerëz që filmohen nga kuzhinat dhe dhomat e tyre të gjumit.”
Gjithsesi nëse vonesa zgjat më shumë se ç’duhet, duket se ka një pikë ku do të eksplorohen edhe opsionet virtuale. HBO Max do të lançohet në 27 maj dhe do të ketë brenda çdo episod origjinal të Friends. Të paktën tani keni kohë të bëni ndonjë maratonë të tyre përpara episodit special të ribashkimit të tyre.
