Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Dokumentari i Pogba-s në IMDB: ‘The Pogmentary’ i jepet 1 yll nga 5 prej fansave, teksa seriali i ish-yllit të Man Utd dështon
Fituesi i Kupës së Botës është bërë subjekt i emisionit të tij në Amazon Prime, por shikuesit kanë mbetur aspak të impresionuar. Dokumentari i Paul Pogba në Amazon Prime ka dështuar keq pas publikimit të tij. Mesfushori, i cili është larguar nga Old Trafford falas këtë verë, është bërë subjekti i fundit i një serie që u ofron fansave një pamje të përditshmërisë së tij.
Shumë nuk i ka pëlqyer aspak dokumentari me seri i francezit, me shikuesit që tallen me “The Pogmentary” në IMDB. Seriali, i cili vjen me pesë episode, nuk është pritur mirë nga ata që ishin të etur për të zbuluar se çfarë bën dhe diskuton Pogba kur nuk luan futboll.
Mbi 300 komente janë postuar për “The Pogmentary” deri më tani, dhe pak prej tyre janë pozitive. Pogba thuhet se ka “iluzionet e tij të madhështisë”, ndërsa produksionin e bën të gjithë për veten e tij. Të tjerë thonë se programi është “dokumentari më i keq që kam parë ndonjëherë” dhe një “humbje kohe totale”, me “çdo episod zgjat pak më shumë se një prej modeleve të tij të çudtishme të flokëve”.
Shumë kanë theksuar gjithashtu se do të kishin votuar për zero yje nëse do të mundnin.
Ndërsa duket se projektet e tij jashtë fushës nuk po shkojnë aq mirë, Pogba ende nuk ka konfirmuar zyrtarisht se ku do të luajë në 2022-2023. Një rikthim pothuajse i sigurt drejt Juventusit është spekuluar prej disa kohësh dhe duket se vetëm detajet e fundit mungojnë për të finalizuar transfertën.
Kjo lëvizje do të bëhet gjashtë vjet pas largimit nga Italia si pjesë e një transferimi rekord prej 89 milionë paund.
