Cineplexx rikthen një version të përmirësuar të Avatar

Një prej filmave më të mira të viteve të fundit, Avatar, rikthehet përsëri në kinema pak muaj para transmetimit të filmit të ardhshëm të serisë. Por çfarë do të sjellë ndryshe kësaj here dhe pse duhet ta shihni në kinema?

Avatar do të rikthehet këtë fundjavë në kinema duke na sjellë përsëri eksperiencën e mrekullueshme që na solli në 2009. Por kësaj here na sjellë diçka më ndryshe nga e cila do të habiteni. Rikthimi i Avatar në kinema do të vijë me një përmirësim goxha të madh si në kualitet e videos po ashtu edhe në kualitetin e audios dhe më shumë.

Falë përmirësimit të madh të teknologjisë në industrinë e filmave, James Cameron njoftoi së fundmi se ritransmetimi i Avatar në kinema do të vijë në eksperiencën më të mirë të mundshme, me një rezolucion 4K, high dynamic range, 3D dhe audio Atmos 9.1.

Gjithashtu filmi i ri i serisë Avatar, Avatar: The Way of Water do të transmetohet këtë vit më 22 dhjetor prandaj iu rekomandojnë që ta ndiqni këtë ritransmetim. Avatar do të ritransmetohet edhe në Shqipëri nëpërmjet kinemasë së Cineplexx Albania ku keni mundësinë që ta shikoni prej datës 22 shtator.