Avengers: Endgame ia kalon Titanic me $2.2 miliardë në vetëm 11 ditë

Filmi i 22 i sagës së Marvel vazhdon të thyeje rekorde.

Avengers: Endgame është duke e qarë në box office. Pas një fundjave të dytë në vend të parë, filmi arriti shifrën e $2.188 miliardë në mbarë botën në vetëm 11 ditë.

Në këtë pikë Endgame kalon Titanic të James Cameron duke u bërë zyrtarisht filmi i dytë më i madh në botë. I ka mbetur për të kaluar edhe një film të Cameron dhe ai normalisht që është Avatar, i cili ka kapur $2.78 miliardë globalisht.

Suksesi i vazhdueshëm i Endgame nuk po çudit asnjë në këtë pikë. Fundjava e tij hapëse arriti shifrat e $1.2 miliardëve dhe tani, pas disa ditësh e ka dyfishuar lehtësisht atë numër.

Endgame futet kështu në pesçen e filmave që kanë arritur të kapin $2 miliardë në box office. Filmi i bashkohet  Avengers: Infinity War ($2.048 miliardë), Star Wars: The Force Awakens ($2.068 miliardë), Titanic ($2.187 miliardë) dhe Avatar ($2.788 miliardë).

Filmit i duhen edhe $580 milionë për të kapur Avatar, por duke parë ritmin me të cilën filmi është duke ecur, po hamendësojmë se nuk do ta ketë shumë të vështirë për ta thyer si rekord. Gjithsesi edhe nëse Endgame e kap vendin e parë, duhet të kemi parasysh se James Cameron po pregatit nja katër filma të tjerë të Avatar, ndaj se sa do të jetë në gjendje kjo kryevepër e Marvel të qëndrojë nr.1, mbetet ta shohim me kohën.