Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ende nuk dihet nëse do të jetë pjesë e projektit edhe regjizori i filmit të parë
Aquaman solli mbi $ 1.1 bilion në box office, duke u bërë automatikisht një nga filmat komercial të vitit. Me një sukses të niveli të tillë nuk është çudi që të hamendësonim për një vazhdim, por tani Warner Bros ka filluar zyrtarisht punën me të.
Warner Bros ka punësuar skenaristin e filmit të parë, David Leslie Johnson-McGoldrick, që të kthehet dhe të vazhdojë punën me skenarin e filmit të dytë. Gjithsesi është ende e paqartë nëse James Wan, regjizori i filmit të parë, do të bëjë paraqitjen edhe në vazhdimin e tij. Burimet thonë se Wan është në mes të një marrëveshjeje me Warner Bros për të qenë producenti i tij, ndaj të paktën nuk do e ndjejmë mungesën e tij.
Me më shumë se $ 1.1 bilion fitime në box office, Aquaman është hiti më i madh që ka patur DC që pas The Dark Knight Rises të 2008s. Mendohej se Warner Bros do niste punën me Aquaman 2 që përpara se filmi i parë të publikohej, ndaj nuk është çudi që filmi po avancon kaq shpejt në fazat e zhvillimit.
Krahas Aquaman 2, Warner Bros do të zhvillojë edhe një spinoff të zhanrit horror të quajtur The Trench. Buxheti i këtij të fundit do të jetë më i vogël se i Aquaman dhe se i filmave të tjerë të DC përgjithësisht, por prapëseprapë duket si një projekt mjaft interesant.
