MCU ka qenë shumë sekretiv dhe misterioz rreth Avengers: Endgame, por edhe mbi informacionet se çfarë ka më tej për MCU pas kapitullit të fundit të Avengers. Marvel po i ruan me kaq kujdes detajet se si do të përfundojë zënka përfundimtare me Thanos, por me shumë mundësi do të na duhet të presim fundin e prillit për ta marrë vesh tamam.
Gjithsesi kemi një film të ardhshëm të Marvel të quajtur The Eternals. Filmi do të ketë Chloe Zhao për regjizore dhe mendohet se stafi i projektit është në bisedime me fituesen e Academy Award, të madhen, të vetmen, Angelina Jolie. Thjesht imagjinojeni pak këtë të fundit në ilustrimin e një roli të një filmi të tillë. Fatkeqësisht nuk kemi fare detaje të tjera për momentin, por le të shpresojmë për një konfirmim të lajmit në të ardhmen.
The Eternals janë disa nga comik books-at më të pëlqyera të Marvel. Librat janë krijuar nga legjendari Jack Kirby në mesin e viteve ’70. Me kalimin e viteve The Eternals janë zhvilluar dhe kanë marrë vërtet një vend të veçantë në universin e Marvel.
Specifikat mbi historinë dhe personazhet e The Eternals ende mbeten për tu konfirmuar nga Marvel, pasi filmi është ende në një stad shumë të hershëm të tij.