Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nuk është ndonjë sekret që kinematografia dhe videolojërat nuk para përziehen mirë bashkë. Ka patur shumë tentativa për të krijuar filma të bazuar në videolojëra, por me bindje mund të themi se asnjë prej tyre nuk ka qenë në nivelin e duhur.
Më poshtë do të shohim disa nga rastet më të këqia që kanë ardhur në ekran dhe reagimin që kanë marrë nga audienca:
7. Hitman
Le të fillojmë me Hitman, që jo vetëm kishte një linjë historie shumë të dobët, por gjithashtu ishte plot me cliche. Nuk është çudi që filmi nuk arriti të njejtin sukses si lojërat.
Filmi rrotullohej rreth Hitman, i njohur ndryshe si Agent 47, që është stërvitur të jetë një vrasës që në lindje. Kritika e cilësoi këtë projekt si një “mundësi e humbur”.
6. Doom (2005)
Tjetri në rradhë është Doom. Me Dwayne ‘The Rock’ Johnson dhe Karl Urban me Rosamund Pike brenda tij, është e vështirë të besosh që filmi ishte aq i keq.
I bazuar kryesisht në lojë dhe i adaptuar kryesisht nga Doom 3, filmi ndjek një grup marinsash në një mision në Mars, teksa përballen me krijesa të modifikuara gjenetikisht.
Skenari ishte një nga problemet kryesore të filmit, me vetë Dwayne Johnson që është shprehur më vonë se: “ishte një shembull i një tentative të dështuar.”
5. Alone in the Dark (2005)
Duket se 2005 ka qenë viti i filmave të këqinj të videolojërave. Doom ju bashkua edhe Alone in the Dark, një thriller që bazohej rreth një detektivi të supernatyrshëm, që investigonte aktivitetet paranormale me shqisën e tij të gjashtë.
Loja është parë si një influencë për filmat e tipit Resident Evil, por prapëseprapë filmi nuk ja doli të sillte ndonjë gjë në të njejtat standarte.
Është cilësuar si një nga filmat më të këqinj të të gjitha kohërave, me vlerësim 1% në Rotten Tomatoes.
4. Street Fighter: The Legend Of Chun-Li (2009)
The Legend of Chun-Li ishte si një spin-off prequel i filmit origjinal të Street Fighter.
Bazuar në historinë e origjinës së protagonistit, që luhej nga Kristin Kreuk, ky film ka devijuar shumë nga synimi origjinal i lojës. Me skena të mërzitshme aksioni dhe skenar mediokër, nuk është çudi që është futur në këtë listë.
Filmi ka patur një vlerësim prej 5% në Rotten Tomatoes.
3. Super Mario Bros. (1993)
Sado që është bazuar më pak në videolojë se rastet e tjera, filmi padyshim që ishte zhgënjyes, me vetëm $35 milionë fitime të kapura në mbarë botën.
Filmi ndiqte vëllezërit Mario dhe Luigi, në udhëtimin e tyre për të shpëtuar Princess Daisy, që është dërguar në një univers paralel.
2. Bloodrayne (2006)
Nën regjinë e Uwe Boll, që është i famshëm për adaptimet e videolojërave në filma, Bloodrayne bazohej rreth një gjysmë-njeriu gjysmë-vampiri, i njohur me termin ‘dhampire’.
Si me rastet e tjera ploti ishte i dobët dhe skenat e aksionit i zhgënjyen shikuesit. Filmi mori vetëm 4% në Rotten Tomatoes.
1. In the Name of the King (2007)
Një tjetër projekt i Uwe Boll që i bashkohet listës. Filmi është bazuar në seritë e Dungeon Siege.
Ai fitoi $10.3 milionë në mbarë botën, duke u cilësuar si një version i sikletshëm i Lord of the Rings nga New York Times.
