Pas shumë lajmesh dhe thashethemesh, iPhone 13 është zyrtarisht këtu. Gjatë një ngjarjeje virtuale të martën, Apple njoftoi vazhdimin e iPhone 12 të vitit të kaluar me katër modele të reja: iPhone 13, 13 Mini, 13 Pro dhe 13 Pro Max.
Telefonat e rinj funksionojnë me iOS 15, vijnë me një bateri më të madhe, më shumë storage, një procesor të ri A15 Bionic, një notch më të vogël dhe një sasi të madhe të veçorive të reja të kamerës. Modeli bazë i iPhone 13 dhe 13 Mini janë në dispozicion në pesë ngjyra: rozë, blu, midnight (e zezë), starlight (e bardhë) dhe Product Red. Sa për iPhone 13 Pro dhe 13 Pro Max, ato marrin një përditësim gjigant të kamerës, si dhe një ekran të ri me refresh rate 120Hz.
iPhone 13, 13 Mini, 13 Pro, 13 Pro Max marrin një bateri më të madhe
Ndoshta veçoria më e mirëpritur e shpallur është një bateri më e madhe. Apple nuk e ndau madhësinë, por pretendon se bateria e re së bashku me iOS 15, çipin A15 dhe ekranin e përditësuar i shton dy orë e gjysmë më shumë jetëgjatësi të baterisë iPhone 13 krahasuar me iPhone 12.
iPhone 13 Mini duhet të marrë një orë e gjysmë më shumë se iPhone 12 Mini. Kjo është një rritje e konsiderueshme. Jetëgjatësia e baterisë në iPhone 12 Mini ishte një kompromis që disa njerëz nuk ishin të gatshëm ta bënin. Pra, është emocionuese të shohësh Mini-n e ri të ketë një rritje kaq të madhe në vetëm një vit.
Apple thotë se modelet Pro duhet të kenë një rritje të ngjashme të jetëgjatësisë së baterisë me iPhone 13 Pro që merr dy orë e gjysmë më shumë dhe 13 Pro Max merr një orë e gjysmë shtesë.
iPhone 13 sjell kamera të reja dhe modalitet kinematografik
iPhone 13 dhe 13 Mini marrin një sistem të përditësuar të kamerës, i cili është i dukshëm nga orientimi i ri diagonal i dy kamerave të pasme. Në fakt, Apple thotë se orientimi i ri është rezultat i krijimit të më shumë hapësirës për një sistem të ri stabilizimi të bazuar në sensorë, i cili më parë ishte gjetur vetëm në iPhone 12 Pro Max.
Të katër modelet marrin një kamerë kryesore të përmirësuar 12 megapiksel dhe një lente dhe sensor më të mirë ultra-wide. Pajisja e re së bashku me çipin e ri A15 Bionic nënkupton shumë përmirësime dhe veçorish të reja, duke përfshirë aftësinë për të kapur 47% më shumë dritë.
Ekziston një cinematic mode i ri për t’i bërë videot tuaja të duken më shumë si filma. Kur përdorni modalitetin, kamera mund të fokusohet në subjektin tuaj për t’i mbajtur ata në fokus nëse qëndrojnë në vend ose lëvizin. iPhone madje mund të parashikojë kur subjekti juaj të hyjë në kornizë. Një efekt tjetër është aftësia për të tërhequr fokusin nga një subjekt në tjetrin.
iPhone 13 Pro dhe 13 Pro Max do të fitojnë gjithashtu aftësinë për të kapur video ProRes, e cila optimizon videot dhe është veçanërisht e dobishme për njerëzit që ngjyrosin ose përdorin software editimi si Final Cut Pro X ose Adobe Premiere Pro. Skedarët video ProRes zënë më shumë hapësirë sesa një video e rregullt h.264/h.265 që, deri më tani, shumica e iPhone kanë përdorur. Suporti ProRes nuk do të jetë në iPhone në lançim, por pritet të shtohet më vonë këtë vit.
iPhone 13 Pro dhe 13 Pro Max sjellin një ekran ProMotion 120Hz
Për sa i përket madhësisë, të katër modelet kanë ekranet me të njëjtën madhësi si seria iPhone 12. iPhone 13 Mini ka një ekran 5.4-inç, iPhone 13 dhe 13 Pro kanë një ekran 6.1-inç, ndërsa iPhone 13 Pro Max ka një ekran 6.7-inç. Të gjithë telefonat e rinj, në përgjithësi, kanë ekran më të ndritshëm.
Por modelet Pro tani marrin një normë më të lartë të refresh rate, gjë që i bën animacionet dhe lëvizjet të duken më të mira dhe lojërat më tërheqëse. Telefonat Android, pavarësisht nëse janë të shtrenjtë apo jo, zakonisht kanë një ekran me refresh rate të lartë. Deri më tani, pajisja e vetme Apple që ofronte një refresh rate ishte iPad Pro, i cili përdor një ekran LCD në vend të OLED të gjetur në iPhone 13 Pro dhe 13 Pro Max.
iPhone 13 merr një çip A15 dhe iOS 15
Të gjitha modelet e iPhone 13 të ri mundësohen nga çipi i ri A15 Bionic i Apple dhe funksionojnë me iOS 15. Të gjithë telefonat e rinj vazhdojnë të mbështesin 5G si dhe sistemin e karikimit dhe aksesorëve MagSafe të Apple.