Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hyrja e Google me kontentin e videove të shkurtra fillon me YouTube Shorts, një veçori e re që po testohet në disa tregje të limituara. YouTube Shorts do të lançohet fillimisht në Indi dhe përshkruhet si:
“Shorts është një formë e re videosh për krijuesit dhe artistët që duan të xhirojnë video të shkurtra duke mos përdorur asgjë përveç telefonave të tyre.”
Përdoruesit mund të fillojnë të xhirojnë në Short me ikonën e re të create që është vendosur në aplikacionin e YouTube për Android. Pasi të publikoni një Short ajo do të shfaqet si karusel në homepage-in e YouTube, që është dizenjuar specifikisht për video të shkurtra.
Përdoruesit mund të kalojnë nga një video te tjetra duke bërë swipe vertikalisht, teksa shohin kontent prej karuselit. Karuseli do të mbajë të gjitha videot e shkurtra në YouTube, jo vetëm videot e krijuara me Shorts.
YouTube është duke i nxitur krijuesit e tij që të fillojnë përgatitjet për të postuar çfarëdolloj videoje të shkurtër që ata kanë.
Një version i hershëm beta i YouTube Shorts do të jetë së shpejti i disponueshëm për përdoruesit në Indi. Beta do të përfshijë vetëm disa nga veçoritë e disponueshme. Veçori të tjera do të shtohen me kalimin e kohës dhe është konfirmuar se në muajt e ardhshëm YouTube Shorts do të vijë edhenë vende të tjera.
NJË TJETËR KLON I TIKTOK?
YouTube Shorts po tërheq krahasime të dukshme me aplikacionin TikTok pas vetes së tij. Është e vështirë të mohosh ngjashmëritë që kanë dhe ja vlen të përmendim që YouTube mori vendimin ta lançojë këtë veçori në një vend ku TikTok është i ndaluar.
Me konkurentin kryesor që nuk është fare aty, ka një audiencë të tërë njerëzish që marrin një alternativë tjetër.
Gjithsesi të quash Shorts një klon të TikTok nuk është perifrazimi i duhur, sepse YouTube ka nj faktor që e dallon nga të tjerët. Avantazhi i tij ndaj të dyjave dhe TikTok dhe Instagram vjen nga numrat.
TikTok ka 700 milion përdorues aktivë çdo muaj. Instagram ka 1 miliardë përdorues aktivë çdo muaj. YouTube ka më shumë se të dyja këto bashkë me 2 miliardë në muaj. Le të mos flasim pastaj për pjesën e monetizimit, që i bën të tjerët më të motivuar. Nuk ka asnjë mënyrë deri më tani për të përfituar para nga Reels në IG ose TikTok.
Në teori Shorts duket se ka ç’do gjë që i duhet. Le të shohim se si do të ecë në praktikë.
