Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
TikTok është platforma më e fundit që i është bashkuar Code of Practice të Bashkimit Europian në terma të mosinformimit, duke rënë dakord për disa hapa vullnetarë që synojnë luftën kundër përhapjes së informacioneve të rreme online.
Platforma e publikimit të videove të shkurtra, që është zhvilluar nga kompania ByteDance, e bazuar në Pekin, kaloi 2 miliardë shkarkime më herët gjatë këtij viti. Aplikacioni është shumë i përhapur mes adoleshentëve, ndaj ka më shumë gjasa të gjesh klipe të tyre duke bërë video aty se sa raste deepfakes ose lajmesh të rreme. Gjithsesi keqinformimi online nuk ka një medium të vetëm.
Thelbi i problemit është diçka e rreme që duket sikur është e vërtetë, me impakte që janë shumë dëmtuese, (si rastet kur përfshihet poltika, ose informacione të rreme rreth gjendjes shëndetësore teksa jemi në kohë pandemie).
Organizata EDiMA, që e numëron TikTok si një nga anëtarët gjigandë në komunitetin teknologjik, njoftoi se platforma popullore e videove kishte rënë zyrtarisht dakord për të marrë pjesë në Code of Practice.
“Regjistrimi i TikTok në Code of Practice on Disinformation është një lajm i shkëlqyer, pasi zgjeron platformat online që po ngrihen në luftën kundër keqinformimit dhe lajmeve të rreme që hapen në internet. Tregon që Code of Practice on Disinformation është një masë efektive, që sigurohet që kompanitë të luftojnë efektivisht keqinformimin online,” u shpreh Saida El Ramly, drejtori i EDiMA në një deklaratë.
Drejtori i relatave qeveritare dhe politikave publike i TikTok në Europë, Theo Bertram, gjithashtu tha se ishin krenarë që platforma e TikTok po regjistrohej për Code of Practice on Disinformation.
Më herët gjatë këtij muaji Commission paralajmëroi se një mori lajmesh të rreme për pandeminë e COVID-19, kishin qarkulluar gjatë muajve të fundit, duke ju thënë gjigandëve të teknologjisë se ata duhet të bëjnë më shumë.
Platformat që janë regjistruar në Code of Practice, tashmë duhet të japin raportime mujore të detajuara, përsa i përket masave që ato po marrin për të sulmuar informacionet e rreme që por shpërndahen për coronavirus. Ata duhet ti mbështesin fjalët e tyre me prova konkrete që tregojnë hapat që aktualisht janë duke marrë.
Commission gjithashtu tha se ka negociata të hapura edhe me WhatsApp, platformës që ndodhet nën pronësinë e Facebook, për t’ju bashkuar këtij kodi.
Në thuajse dy vitet e fundit që kur ky kod ka hyrë në ekzistencë, ligjbërësit e Bashkimit Europian kanë bërë paralajmërime të shpeshta, që gjigandët e teknologjisë nuk po bëjnë mjaftueshëm për të ndaluar keqinfromimin në platformat e tyre.
Keqinformimi online mbetet një problem i madh dhe kompleks në rrugën që ndërmerret për zgjidhjen e tij, por hapa të tilla të bëra nga kompani të mëdha, duket se ndihmojnë pak në luftën e vazhdueshme të informacionit.
