Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sony ka për qëllim të transformojë objektet e zakonshme shtëpiake në controller – në këtë rast, një banane, sipas patentës së publikuar së fundmi.
Controller-at e lojërave kanë avancuar shumë këto ditë. Lidhje wireless, analog sticks, d-pads, pad me touchscreen, mikrofona, altoparlantë, etj. Pra, pajisjet periferike moderne shpesh janë të komplikuara, të shtrenjta dhe një problem më vete për t’u mbajtur të karikuara gjatë gjithë kohës.
“Do të ishte e dëshirueshme nëse një përdorues mund të përdorte një pajisje të lirë, të thjeshtë dhe jo-elektronike si një objekt periferik gjatë video lojës” shkruhet në licensë. “Zbulimi aktual kërkon të adresojë ose të paktën të lehtësojë disa nga problemet e identifikuara më lart.”
Ekipi i Sony-t prezanton planet si një alternativë ndaj controller-ave tepër të shtrenjtë, teknikisht kompleksë dhe potencialisht të paarritshëm tani që dominojnë industrinë.
Si do të funksionojë?
Sony propozon një kamera që zbulon dhe gjurmon një objekt dhe lëvizjet e tij. Kjo metodë punon vetëm me çdo “objekt pasiv jo të ndritshëm që mbahet nga një përdorues”. Mund të jetë një gotë, një stilolaps, ose si në shembujt e preferuar të shpikësve: banane dhe portokall. Pasi zbulohet objekti në dorën e përdoruesit, kamera vlerëson objektin bazuar në pixel-at, konturet dhe ngjyrat e tij. Në këtë mënyrë, sipas kompanisë, loja mund të konkludojë pozicionet e bananes ndërsa lëviz nëpër hapësirë – kjo mund të shërbejë si një zëvendësim për lëvizjen e kamerës brenda në lojë ose ndalimin e lojës nëse banania del jashtë kornizës së detektimit. Përveç kapjes së lëvisjes, kamera mund të ‘zbulojë gishtin e një përdoruesi’, si në imazhet e më poshtme, që të përkojë ‘me vendndodhjen e butonit virtual’.
Me pak fjalë, nëse shtrydhni bananen, loja juaj do të ndalet (pauzë) dhe do të keni kohë për të ngrënë një banane (sigurisht të ndryshme nga ajo me të cilën po luani).
Bonus: Ekziston edhe një seksion i këndshëm i quajtur “Controller me dy objekte”, i cili për mendimin tonë përkthehet si: “Po, mund të përdorni dy banane për dual-wield”. Nuk do të ishte fantastike?
