Bëhen leak parametrat e Samsung Galaxy S20 Fan Edition

Galaxy S20 Fan Edition do të jetë versioni Lite i Galaxy S20

Një leaker i besueshëm ka zbuluar disa prej detajeve të Galaxy S20 Fan Edition, versionit të përfolur të Galaxy S20 Lite që pritet të lançohet së shpejti. Sipas leak-ut, Galaxy S20 Fan Edition do të ketë një ekran me refresh rate 120Hz, por pritet që ekrani të jetë vetëm FHD+ ose që opsioni 120Hz të mos përdoret në rezolucione më të larta. Telefoni do të ketë gjithashtu një Snapdragon 865 dhe 8GB RAM.

Galaxy S20 Fan Edition gjithashtu pritet të ketë certifikim IP68 për rezistencën ndaj ujit dhe pluhurit, si dhe do të ketë një audio jack 3.5mm. Ende nuk kemi informacion për kamerat, por pritet që informacione më të detajuara për kamerat të zbulohen kur të jemi pak më afër datës së lançimit të telefonit, e cila pritet të jetë rreth fundit të 2020.

Mesa duket, ky smartphone do të ketë dy variante, një version global që ju jep mundësi të zgjidhni nëse doni ose jo 5G, si dhe një version amerikan i cili suporton 5G. Ende nuk dihet nëse çmimet e smartphone-ve që suportojnë 5G do të jenë më të larta se ato me 4G.