Razer aksidentalisht ekspozon informacionet personale të mbi 100,000 personave

Emrat, adresat dhe email-et e mbi 100,000 personave janë ekspozuar

Sipas një raporti të publikua nga konsulanti cyber security Volodymyr Diachenko, ai bën të ditur se informacionet personale të mbi 100,000 personave janë ekspozuar që prej 18 gushtit. Pavarësisht kontakteve të herë pas herësh me Razer në 3 javët e fundit, Razer ka kthyer përgjigje më datë 9 shtator duke konfirmuar leak e informacioneve personale për shkak të një gabimi në serverat e tyre.

Razer ka bërë të ditur se përveç informacioneve si emrat e plotë, email, numrat e telefonit dhe adresat nuk është bërë leak asnjë informacion tjetër duke përfshirë këtu edhe informacionet mbi kartat e kreditit. Gjithashtu është konfirmuar se problemi tashmë është rregulluar dhe se kompania Razer i kërkon falje çdo konsumatori të saj duke berë të ditur se për çdo pyetje në lidhje me ketë problem ata mund të kontaktojnë tek email [email protected].

Edhe pse informacione të tjera personale nuk janë ekspozuar, Diachenko paralajmëron se në të ardhmen mund të ketë shumë tentativa për phishing dhe se duhet treguar kujdes në çdo email që hapni nga persona të panjohur.