Neuralink e Elon Musk do të transmetojë muzikë në trurin tuaj pa nevojën e kufjeve

Neuralink i Elon Musk do të transmetojë muzikë direkt në trurin tuaj. Kjo veçori u konfirmua nga Musk pasi ju përgjigj një pyetjeje në Twitter.

Shkencëtari Austin Howard e pyeti Musk përmes Twitter, nëse implementimi i neuralink do e bënte të mundur dëgjimin e muzikës drejtpërdrejt nga çipi. Kësaj pyetjeje musk ju përgjigj duke thënë thjesht: “Po.”

Ky do të ishte një avancim masiv në krahasim me kufjet wireless, në fakt nuk do na duheshin më kufje fare. Musk gjithashtu ju përgjigj me po, një tjetër përdoruesi që e pyeti nëse ky çip mund të stimulonte lëshimin e serotinës, oksitocinës dhe kimikateve të tjera që mund të ndihmojnë me OCD.

Koncepti i muzikës që shkon drejtpërdrejt në trurin tuaj nuk është unik për Neuralink. Kompani të tjera janë duke punuar me kufje të teknologjisë së lartë që i dërgojnë valët muzikore direkt e në kafkën tuaj.

Musk po kërkon për njerëz që kanë punuar me projekte të tilla më parë, që t’i bashkohen Neuralink. Ende nuk e dimë fort mirë se si do të punojë ky implant, por miliarderi tha se do të sjellë një update në 28 gusht.

Në podcastin që bëri së fundmi me Joe Rogan, ai ta se paisja një ditë do të mund të rregullojë “çdo gjë që nuk shkon me trurin.” Qëllimi është që brenda 25 vitesh të krijohet një interface i trurit. Kjo do të bënte të mundur që njerëzit të komunikonin me paisje përmes mendjes së tyre.

Neuralink u themelua në 2016 dhe punon me fije të vogla që mund të futen në trurin njerëzor për të ndihmuar me trajtimin e dëmtimeve ose traumave. Procesi i implementimit të tij kërkon zhvendosjen e një pjese të kafkës. Musk ka thënë se akoma nuk kanë filluar testimet me njerëzit, por se nuk do të duhet edhe shumë kohë përprara se të fillojnë. Mund ta dëgjoni vetë podcastin e plotë me Joe Rogan më poshtë.