Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
U deshën vetëm pak muaj që Edge të kalonte Firefox
Tentativa e Microsoft për të krijuar një browser të bazuar në Chromium si Edge duket se ka qënë e suksesshme, të paktën në aspektin afatshkurtër. Sipas një raporti, Edge është tani browser-i i dytë më i përdorur në desktop, me NetMarketShare që i jep këtij browser-i thuajse 7.6% të tregut në mars, duke kaluar një Mozilla Firefox në rënie me thuajse 7.2%. Edge ende ndodhet shumë mbrapa Chrome me 68.5%, por gjithsesi nuk janë rezultate të këqija për një browser që ka më pak se 3 muaj që është lançuar.
Nuk është e vështirë të kuptosh se pse Edge po përdoret kaq shumë. Statusi si browser-i i paracaktuar i Windows e ndihmon shumë, si dhe fakti që është zhvilluar nga Microsoft. Gjitashtu, fakti se është bazuar tek Chromium eleminon shumë prej ankesave që kishte versioni i Edge i bazuar tek engine i Microsoft, siç janë compatibility, shpejtësia dhe extensions të mundshme. Software-i i vjetër kishte një reputacion si browser-i që përdorej për të shkarkuar browser-at e tjerë, por tani ai është mjaftueshëm i mirë sa për të mos patur nevojë për një browser tjetër.
Jo se Google është i shqetësuar. Edhe pse Edge i inkurajon njerëzit të përdorin shërbimet e Microsoft dhe jo të Google, ndryshimi i engine gjithashtu konsolidon dominancën e Chromium në internet. Zhvilluesit kanë më pak arsye për të krijuar faqe që funksionojnë pavarësisht browser-it në vend që t’i optimizojnë ato për engine-in e Google dhe kjo gjë mund të dëmtojë përdoruesit e Firefox, Safari ose browsers të tjerë.
