Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Së fundmi shumë kompani janë bërë pjesë e metaverse dhe NFT duke përshirë këtu kompani të mëdha si Twitter, Reddit, Facebook dhe më shumë. Dhe krijuesi i PUBG ka njoftuar se ka në plan të krijojë metaverse dhe NFT e tij.
Sipas njoftimit të kryer nga krijuesi i PUBG, Krafton, kompania po investon mbi 2.5 milion dollarë në Seoul Auction Blue dhe 4.1 milion dollarë në XBYBLUE dhe ka firmosur disa kontrata për të krijuar projektet e veta NFT.
Seoul Auction Blue ka një platformë të sajën për blerjen e artit të quajtur SOTWO. Kurse XBYBLUE ka një shërbim të quajtur XXBLUE e cila blen të dhëna digjitale për t’i shitur tek konsumatorët. Në bashkëpunim me këto dy kompani, Krafton do të krijojë avatar NFT të cilët mund të përdoren në të ardhme në metaverse.
CEO i Krafton, Changhan Kim, është shprehur se ata do të krijojnë NFT të cilat janë argëtuese dhe tërheqëse dhe se ky është vetëm fillimi i asaj që kanë në plan. Kompania ka krijuar lidhje me kompani të ndryshme kudo në botë në lidhje me këtë plan dhe të cilat do të bëhen të ditura më vonë.
Ndër planet e tjera me NFT, Krafton zbuloi se është duke punuar me NAVER Z për të krijuar një Web 3.0 të ri e cila do t’iu lejojë të krijojnë platformën e tyre metaverse dhe NFT. NAVER Z ka në zotërim platformën e metaverse ZEPETO e cila ka mbi 290 milionë përdorues kudo në botë.
Krafton nuk është kompania e vetme që po planifikon të kryejë këtë gjë. Facebook e cila ndryshoi emrin në Meta ka gjithashtu pothuajse të njëjta plane dhe para disa ditësh Bandai Namco zbuloi se do të krijojë metaverse e vetë.
Por jo të gjitha kompanitë janë dakord me metaverse dhe NFT. Para disa ditësh, platforma Itch.io është shprehur se NFT janë mashtrim duke goditur kompanitë që i suportojnë ato.
