Intel po sjell një GPU goxha të fuqishëm

Teksa bota është akoma në krizë për karta grafike, Intel ka vendosur që të na surprizojë duke bërë leak GPU e re të tyre të quajtur Arc Alchemist i cili duket goxha i fuqishëm.

E prezantuar gjatë vitit të kaluar, më në fund janë zbuluar disa nga parametrat që GPU i ri nga Intel do të ketë. I zbuluar fillimisht nga Tom’s Hardware, një postim në Twitter ka zbuluar se çfarë kjo kartë grafike do të sjellë.

E kombinuar me një CPU i9-12900K dhe 32GB RAM për të shfaqur potencialin e plotë të kësaj karte grafike, kjo kartë arrin një vlerë prej 12500 pikë gjatë testimit të saj. Kjo vlerë na sugjeron se karta e re e Intel do të ketë një fuqi midis Nvidia RTX 3070 dhe Nvidia RTX 3080 duke na surprizuar goxha.

Gjithashtu një leak i ri ka treguar se karta e re grafike Arc Alchemist mund të vijë gjatë tremujorit të parë të vitit 2022 bashkë me shumë versione të tjera të cilat do të vijnë përgjatë këtij viti. Sipas detajeve të zbuluara pritet që Intel të konkurrojë me këtë kartë grafike si në pajisjet laptop po gjithashtu edhe në PC Desktop duke konkurruar me rivalët e saj Nvidia dhe AMD.