Nëse keni qenë në Instagram kohët e fundit, me siguri keni parë komente të shumta që thonë “Nah he tweakin” në postimet nga llogaritë me shumë ndjekës. E çuditshme apo jo?!
Thjesht shikoni çdo llogari të famshme ose kompani zyrtare në Instagram dhe do t’i shihni. Mendohet se shumica e komenteve po postohen nga bots dhe jo njerëz të vërtetë.
Por përdoruesit e Instagram janë duke u bërë pjesë e trendit viral.
Dhe duket se as Instagram nuk e dinte se çfarë ishte tendenca kur kompania lëshoi një deklaratë që përshkruante një defekt në të cilin shumica e komenteve nuk shfaqeshin në postime dhe komentet “nah he tweakin” po shiheshin në vend të tyre.
Mosmarrëveshja është midis rreperit amerikan Lil Nas X dhe legjendës së skateboarding amerikan, Tony Hawk.
Dhe gjithçka nisi me Lil Nas X kur ai nxorri “Satan Shoes”.
Atletet e zeza dhe të kuqe, me tematikë djallëzore, të cilat supozohet se përmbajnë një pikë gjaku njerëzor, u shitën brenda një minute pasi dolën në shitje online.
Por morën disa kritika të rënda në internet pas mbulimit të lajmeve për lançimin e tyre.
Pastaj këtë javë Hawk njoftoi se po lëshonte Liquid Death Skateboard të “mbushur” me gjakun e tij – shikoni videon më poshtë.
Tani Lil Nas X ka shkuar në Twitter për të shprehur zhgënjimin e tij që Hawk nuk po merr të njëjtën lloj kritike që mori për produktin e tij.
now that tony hawk has released skateboards with his blood painted on them, and there was no public outrage, are y’all ready to admit y’all were never actually upset over the blood in the shoes? and maybe u were mad for some other reason?
— MONTERO 🦋 (@LilNasX) August 25, 2021
Kjo na sjell tek Lil Nas X duke komentuar një postim të fundit në llogarinë e çertifikuar të Instagramit, Rap. Faqja postoi në lidhje me lëshimin e skateboard të Hawk dhe Lil Nas X komentoi “nah he tweakin”.
Interneti lëviz shpejt, dhe përdoruesit e ndoqën shpejt shembullin.
Për ju që nuk e dini, fraza “nah he tweakin” mund të mos ketë shumë kuptim. Fjala “tweakin” përdoret shpesh në kulturën hip-hop dhe rap për t’iu referuar dikujt që ka marrë shumë stimulues në formë droge.
Është përdorur gjithashtu për të përshkruar dikë që vepron në një mënyrë joracionale dhe, ndërsa ne nuk mund ta dimë kurrë, kjo është ndoshta mënyra në të cilën Lil Nas X po e përdorte atë.