Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Virusi ILOVEYOU shkaktoi miliona dollarë dëme, por autori donte vetëm akses në internet
Të marrësh një letër dashurie në inbox padyshim që të bën të skuqesh, në varësi të personit që e ka dërguar. Megjithatë, 20 vite më parë, e-mailet që kishin si subject “ILOVEYOU” nuk ishin aspak të mira. Ato vinin me një virus që shkaktoi miliarda dollarë dëme. Dy dekada më vonë, krijuesi i këtij virusi ka pranuar lëshimin e tij.
Sipas krijuesit, i cili njihet me emrin Love Bug, ai nuk kishte qëllim të shkaktonte aq dëm. Në fakt, ai nuk kishte aspak qëllim të dëmtonte. Një gazetar i BBC News tha se kishte arritur ta gjente krijuesin në një servis telefonash në Manila. Ai quhet Onel de Guzman dhe tani është 44 vjeç.
Guzman thotë se më parë krijoi një virus për të marrë password-in e internetit. ILOVEYOU ishte bazuar tek ky virus, por kishte aftësinë të shkonte automatikisht tek kontaktet e tjera të Outlook të një personi. Guzman tha se nuk kishte mundësi të përballonte shërbimin e internetit, prandaj ai e përdori fillimisht virusin tek përdoruesit rreth zonës së tij, përpara se ta zgjeronte atë.
Zgjerimi i tij shkaktoi shumë probleme dhe kishte kosto të lartë. Sipas CNN, në kulmin e tij, ILOVEYOU po shkaktonte 10 miliard dollarë dëme. Disa përllogaritje të tjera e vendosin edhe më lart shumën e dëmeve. Nuk dihet qartë shkaku i kësaj kostoje të lartë, por thuhet se ajo ka të bëjë me koston e heqjes së virusit, riparimit të file-ve të sistemit dhe kohën e humbur nga ky virus, si dhe përforcimi i sigurisë. Ky virus preku kompani të mëdha si Ford dhe qeveri në mbarë botën.
Sipas avokatit të tij, Guzman nuk e dinte se akuzat që iu ngarkuan ai ishte nga ai, pra ai nuk është në dijeni të pasojave të krimit të tij.
Në një postim, Sophos shpjegon mënyrën se si funksiononte virusi. ILOVEYOU ishte një Visual Basic Script i maskuar si një text file. Ishim ende në fillim të e-mailit. Kur klikohej, script-i ndryshonte file-t në PC dhe fillonte të infektonte file si JPEG dhe MP3. Ai gjithashtu shpërndahej nëpërmjet IRC dhe jo vetëm e-mail.
Këtu lind pyetja: nëse qëllimi i virusit sipas Guzman ishte vetëm vjedhja e informacionit për login në internet, pse ILOVEYOU ndryshonte file që nuk kanë lidhje me këtë gjë? Guzman nuk jep një përgjigje, por mesa duket ai donte thjesht të shikonte se sa larg mund të shpërndahej ky virus. Nëpërmjet emrit, ai donte ta bënte këtë virus që të shpërndahej në të gjithë botën. Ai ia dërgoi fillimisht dikujt në Singapor dhe më pas doli me një shok. Ai mësoi për kaosin që kishte shkaktuar kur mamaja e tij i tha se policia po kërkonte një hacker në Manila.
Shumë gjëra kanë ndryshuar që prej ILOVEYOU, por konceptet bazë mbeten po të njëjtat, pasi ky është thjesht një llojë phishing. 20 vite më vonë, Windows ende i fsheh file extensions për shumicën e përdoruesëve, gjë që e bën shumë të lehtë fshehjen e viruseve.
Për sa i përket Guzman, ai arriti të shpëtonte pasi kjo vepër nuk ishte e jashtligjshme në Filipine në kohën e kryerjes së saj.
