Zowie EC2 është një mouse i cili tashmë ka krijuar një reputacion mjaft të mirë dhe zë vendin e parë si më i përdoruri nga lojtarët profesionistë të CS:GO. I dizenjuar nga Zowie në bashkëpunim me një prej lojtarëve më legjendarë të lojës, HeatoN, ky mouse nuk i kushton aspak rëndësi pamjes, por është totalisht i fokusuar tek performanca.
Arsyeja kryesore se pse Zowie EC2 mbahet si një nga mouse më të mirë në treg është forma e tij. Ky mouse i përshtatet shumë mirë thuajse çdo lloj grip-i dhe çdo lloj madhësie dore. Kjo vjen për shkak të përmasave të tij shumë mesatare dhe kthesave të buta që nuk të detyrojnë të mbash një lloj grip-i të caktuar. I vetmi problem deri diku është fakti që Zowie EC2 është një mouse që i përshtatet lojtarëve që luajnë me dorën e djathtë. Mouse-i gjithashtu ka peshë shumë të lehtë.
Një prej problemeve kryesore që ka Zowie EC2 është pamja e tij. Ky mouse ka një dizajn shumë të thjeshtë dhe mund të ngatërrohet me një mouse normal zyre. EC2, ndryshe nga versionet e vjetra, nuk ka asnjë lloj ndriçimi dhe është totalisht i zi, gjë që mbase nuk do t’i pëlqejë disa njerëzve që duan një mouse që bie në sy në setup-in e tyre.
Megjithatë, thjeshtësia që ka ky mouse është edhe një prej pikave të tij më të forta. Përveç dizajnit shumë të thjeshtë, Zowie EC2 gjithashtu nuk ka asnjë lloj software. Juve ju mjafton vetëm ta lidhni mouse me kompjuterin dhe ai punon normalisht. Për të ndryshuar DPI dhe polling rate, ju duhet të shtypni butonat poshtë mouse. DPI mund të ndryshohet në 400-800-1600-3200 dhe polling rate mund të ndryshohet në 125-500-1000. Sensori i këtij mouse është i njëjti me versionet më të vjetra të tij dhe mbahet si mbase sensori më i mirë në treg.
Zowie EC2 vjen me 2 butona anesore, te cilët jane mjaft te përmirësuar në krahasim me versionet e vjetra të këtij mouse. Ndërkohë, mouse wheel ka qënë gjithmonë një prej aspekteve më të diskutuara të këtij mouse. Mouse wheel i ka shumë të ndara kalimet dhe bën mjaft zhurmë, gjë që të ndihmon kur je duke luajtur CS:GO por është e bezdisur kur je duke bërë scroll në internet. Butonat kryesorë të mouse-it gjithashtu janë bërë më të lehtë sesa në versionet e mëparshme. Kablli mbetet i njëjti dhe është një kabëll mjaft i thjeshtë dhe që nuk të pengon, edhe pse do të ishte një plus nqs do të ishte braided.
Performanca e këtij mouse është thuajse perfektë në të gjitha lojërat FPS dhe kjo është arsyeja se pse ai është mouse më i preferuar nga lojtarët pro të CS:GO. Megjithatë, në qoftë se jeni lojtarë MOBA, besojmë se në treg ka opsione më të mira. Por nëse jeni një lojtar FPS, Zowie EC2 është një zgjedhje shumë e mirë dhe që do i rezistojë kohës.
Nëse jeni të interesuar për të blerë një Zowie EC2, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një mouse Zowie EC2 totalisht falas. Për të mësuar më shumë, shikoni videon më poshtë: