Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse nuk jeni të vendosur nëse doni një mouse wireless ose me kabëll, Rival 650 është mouse i duhur për ju
Nëse keni qënë duke pyetur veten nëse duhet të merrni një mouse me kabëll ose wireless, ne po ju bëjmë një pyetje tjetër: Po sikur të mos kishit nevojë të zgjidhnit? Me Rival 650, SteelSeries i jep gamers mundësinë të përdorin një mouse high-end si në versionin wireless, por edhe me kabëll. Megjithatë, le të shohim pak më në detaj se çfarë na ofron ky mouse.
Pjesa e jashtme e Rival 650 është e bërë prej plastike dhe gome, ndryshe nga mouse të tjerë me çmim të ngjashëm, të cilët mund të kenë pjesë metalike. Kjo nuk është diçka për t’u shqetësuar, pasi ky mouse ka build quality solid dhe duket mjaft rezistent. Rival 650 ka një formë ergonomike dhe është i rehatshëm në dorë dhe nuk rrëshket, për shkak se pjesët anësore janë të gomuara dhe të ndihmojnë që ta kapësh mirë mouse-in dhe kur je i djersitur.
Rival 650 është një mouse relativish i rëndë, pasi peshon 121g. Ai gjithashtu ka në secilin krah 4 gurë peshe 4g, pra 8 në total, duke e çuar peshën e mausit në 153g në total. Për të ndryshuar peshat, ju duhet të hiqni kapakun anësor të mouse, i cili qëndron në vend me magnete. Magnetet janë mjaft të mirë dhe ju nuk duhet të shqetësoheni që mouse-i juaj të hapet ndërkohë që luani. Si gjithmonë, SteelSeries nuk zhgënjen kur vjen puna tek ndriçimi RGB. Rival 650 vjen me 4 zona të ndara RGB dhe 8 zona në total, të cilat mund të ndryshohen individualisht nëpërmjet SteelSeries Engine.
SteelSeries Rival 650 vjen me 7 butona. Butonat kryesorë janë të ndarë nga pjesa tjetër e trupit dhe janë të harkuar. Ndërkohë, në krahun e majtë ka 3 butona të tjerë. 2 prej butonave janë të pozicionuar shumë mirë, ndërkohë që i treti në pjesën e përparme është pak larg dhe nuk është shumë i rehatshëm për t’u përdorur gjatë gjithë kohës. Në përgjithësi, të gjithë butonat e këtij mouse kanë një ndjesi shumë të mirë kur klikohen dhe SteelSeries thotë se mund të durojnë deri në 60 milionë klikime.
Duke qënë një mouse wireless, shumë prej jush po pyesin veten se si performon ai. SteelSeries thotë se ky mouse ka një latency prej 1ms kur është wireless dhe ne nuk vumë re thuajse asnjë ndryshim në mënyrën se si performonte kur ishte wireless dhe kur ishte i lidhur me kabëll. Mouse mund të karikohet me kabëll USB dhe merr 10 orë karikim në vetëm 15 minuta, ndërkohë që në karikim të plotë mund të zgjasë mbi 24 orë. Rival 650 vjen me 2 sensorë: Sensorin TrueMove3+ i cili suporton deri në 12,000 DPI dhe ofron one-to-one tracking, si dhe një sensor lift-off që shërben për të kuptuar nëse mouse është ngritur. Ky sensor mund të ndryshohet nga 0.5mm në 2mm. Rival 650, edhe kur përdoret wireless, ofron performancë shumë të mirë dhe të saktë. I vetmi problem që ka deri diku Rival 650 është fakti se dongle që shërben për ta lidhur me wireless nuk ka asnjë vend ky të mbahet dhe mund të humbasë shumë lehtë.
Pra, nëse nuk dini nëse doni të merrni një mouse me kabëll ose wireless, zgjidhni SteelSeries Rival 650. Ky mouse ofron një dizajn shumë të bukur, build quality të mirë dhe performancë fantastike, edhe pse është deri diku pak i shtrenjtë.
Nëse jeni të interesuar për të blerë një SteelSeries Rival 650, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një mouse SteelSeries Rival 650 totalisht falas. Për të mësuar më shumë, shikoni videon më poshtë:
